ព័ត៌មានទាន់ហេតុការណ៍៖

អ៊ីតាលីបណ្តេញគ្រូបង្វឹកចេញភ្លាមក្រោយធ្លាក់ពី World Cup

ចែករំលែក៖

លោក Gian Piero Ventura ត្រូវបានដកតំណែងជាគ្រូបង្វឹកក្រុមបាល់ទាត់ ជម្រើសជាតិអ៊ីតាលី ក្នុងរយៈពេល២ថ្ងៃក្រោយចាញ់ស៊ុយអែតហើយអត់បានទៅលេង World Cupឆ្នាំ២០១៨នៅក្នុងប្រទេសរុស្ស៊ី ។

គ្រូបង្វឹកវ័យ៦៩ឆ្នាំរូបនេះបានចូលកាន់តំណែងជំនួសលោក Antonio Conte កាលខែមិថុនា ឆ្នាំ២០១៦លើកិច្ចសន្យា២ឆ្នាំ ។

បន្ទាប់ពីខកខានទៅលេង World Cupជាលើកដំបូងក្នុងរយៈពេល៦០ឆ្នាំចុងក្រោយ របស់អ៊ីតាលី កីឡាករជើងចាស់ Gianluigi Buffon, Daniele De Rossia និង Andrea Barzagli បានប្រកាសចូលនិវត្តន៍។

ចំណែកលោកគ្រូបង្វឹកសញ្ជាតិអ៊ីតាលីវ័យ៥៨ឆ្នាំ Carlo Ancelotti អតីតអ្នកចាត់ការ Real Madrid និង Bayern Munich គឺជាបេក្ខជនដែលមានភាគរយច្រើនក្នុងការមកដឹកនាំ ក្រុមជម្រើសជាតិអ៊ីតាលីបន្ទាប់ពីលោក Gian Piero Ventura៕ ដេវីត


ចែករំលែក៖