សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធ Cristiano Ronaldo បានរងរបួសលើផ្ទៃមុខបណ្តាលឲ្យបែកឈាម ក្នុងការប្រកួតដែល Real Madrid យកឈ្នះ Deportivo La Coruna យ៉ាងចាស់ដៃដោយលទ្ធផល៧ទល់នឹង១ នៅថ្ងៃទី២១ ខែមករា។
គ្រោះថ្នាក់នៃការបែកនេះកើតឡើងពេល តារាឆ្នើមជាទូតសុឆន្ទៈរបស់ CLEAR គឺ Ronaldo បាន ព្យាយាមតែតបញ្ចូលទីនៅគ្រាប់ទី៦របស់ក្រុម។ ចៃដន្យខ្សែការពាររបស់ Deportivo បានលើកជើងធាក់បាល់ដំណាលគ្នា តែមិនចំបាល់បែរជាត្រូវក្បាលរបស់ Ronaldo ទៅវិញធ្វើឲ្យបែកក្បាលឈាមតែម្ដង។ ភ្លាមៗ ក្រុមគ្រូពេទ្យបានមកពិនិត្យរបួស ហើយកីឡាករព័រទុយហ្គាល់ក៏បានឲ្យគេយកទូរសព្ទមកឆ្លុះមុខរបួសរបស់ខ្លួន។
លោក Zinedine Zidane អ្នកចាត់ការ Real Madrid ឲ្យដឹងថា Cristiano Ronaldo ទំនងត្រូវដេរប្រមាណ២ទៅ៣ថ្នេរ ប៉ុន្តែមិនមានអ្វីខ្លាំងក្លាចំពោះកូនក្រុមលោកឡើយ៕ ដេវីត
