សារព័ត៌មាន នគរវត្ត តែងតែនាំមុខគេជានិច្ច
ប្រធានាធិបតីហ្វុីលីពីនលោក ឌុយទែរ តេ បានប្រកាសថា ប្រសិនបើលោកមិន មានសកម្មភាពដូចជាជនផ្តាច់ការនោះទេ គឺហ្វុីលីពីនមិនមានការកែប្រែ មិនមានថ្ងៃ រីកចម្រើនឡើយ។
បណ្តាមេដឹកនាំក្រុមប្រឆាំងហ្វុីលីពីន បានធ្វើការរិះគន់យ៉ាងខ្លាំងដល់ប្រធានា ធិបតី ឌុយទែរតេ ដែលបានកែប្រែរដ្ឋធម្ម នុញ្ញហ្វុីលីពីន។ បច្ចុប្បន្ន អំណាចនៅក្នុង ការអនុវត្តច្បាប់ បង្កើតច្បាប់ ក្នុងបណ្តារដ្ឋនានាត្រូវបានកាត់បន្ថយដោយប្រមូលផ្តុំលើ រដ្ឋាភិបាល។
លោក ឌុយទែរតេ បញ្ជាក់ថា «ប្រសិន បើអស់លោក យល់ថាខ្ញុំជាមេដឹកនាំផ្តាច់ ការ គឺខ្ញុំពិតជាមេដឹកនាំផ្តាច់ការ។ ប្រសិនបើខ្ញុំមិនមានសកម្មភាពដូចមេដឹកនាំផ្តាច់ការទេនោះ គីមិនមានអ្វីកើតឡើងនៅក្នុងប្រទេសនេះឡើយ ហើយក៏មិនមានការរីក ចម្រើនដែរ»។
លោក ឌុយទែរតេ បានលើកឡើងពី សកម្មភាពខាងលើ នៅពេលដែលនិយាយទៅកាន់ក្រុមប្រឆាំងរបស់សាធារណរដ្ឋ ចាស់ ដោយលោកបានបញ្ជាក់ថា អ្វីដែល ចាំបាច់នាពេលនេះគឺ ការអភិវឌ្ឍប្រទេស ជាតិ។
លោក ឌុយទែរតេ បានដាក់សំណួរសួរ ថា «នោះជាការណ៍ពិត បើខ្ញុំមិនធ្វើសកម្ម ភាពផ្តាច់ការ ក៏មិនមានអ្វីកើតឡើងនៅក្នុងប្រទេសនេះដែរ។ ខ្ញុំត្រូវធ្វើសកម្មភាពផ្តាច់ ការ អស់លោកបានជ្រើសរើសខ្ញុំធ្វើជាប្រធានាធិបតី ហេតុអ្វីមិនដើរតាមខ្ញុំ ដែលកំពុងតែបំពេញតាមសេចក្តីប្រាថ្នារបស់លោក អ្នក?»។
ក្រុមអ្នករិះគន់បានថ្កោលទោសលោក ឌុយទែរតេ ថា ជាមេដឹកនាំផ្តាច់ការ តាម រយៈការអនុវត្តគោលនយោបាយប្រឆាំងគ្រឿងញៀន និងអំពើពុករលួយនៅក្នុង ប្រទេស។ ក្រៅពីនេះលោក ក៏រងការរិះ គន់យ៉ាងខ្លាំង ដែលបានប្រកាសច្បាប់ អាជ្ញាសឹកនៅលើកោះមីនដាណាវ ក្រោយការក្រោកឡើងរបស់ក្រុមបះបោរនៅទី ក្រុងម៉ារ៉ាវី។
លោក ឌុយទែរតេ ធ្លាប់បានប្រកាសថា លោកមិនមានបំណងក្លាយជាជនផ្តាច់ការនោះឡើយដោយលោកអំពាវនាវដល់ មនុស្សគ្រប់រូប ចៀសឲ្យឆ្ងាយពីការផ្តាច់ ការ។ មិនតែប៉ុណ្ណោះ លោកក៏បានចេញ បញ្ជាដល់ប៉ូលិស និងទាហាន ឲ្យបាញ់ សម្លាប់លោកចុះ ប្រសិនបើលោកមាន បំណងអូសបន្លាយអំណាចរបស់លោក។ អាណត្តិប្រធានាធិបតីរបស់លោក នឹងត្រូវ បញ្ចប់នៅឆ្នាំ២០២២។
លោក ឌុយទែរតេ ត្រូវបានគេចាត់ទុក ថា ជាមេដឹកនាំផ្តាច់ការ ដោយសារតែលោក អនុវត្តគោលនយោបាយមិនយោគយល់ ក្នុងនោះមាននយោបាយប្រឆាំងអំពើពុក រលួយនាពេលកន្លងមក ដោយបានចេញ បញ្ជាឲ្យកម្ទេចរថយន្តទំនើបៗនាំចូលខុសច្បាប់ ធ្វើឲ្យថវិកាជាតិត្រូវខាតបង់៕ ម៉ែវ សាធី
