សារព័ត៌មាន នគរវត្ត តែងតែនាំមុខគេជានិច្ច
ការប្រកួតបាល់ទាត់នៅក្នុងក្របខ័ណ្ឌកំពូលរបស់ប្រទេសអង់គ្លេសបានបិទបញ្ចប់កាលពីថ្ងៃទី១៣ខែឧសភាឆ្នាំ២០១៨កន្លងទៅ។ តើនៅថ្ងៃចុងក្រោយនោះមានរឿងអ្វីកើតឡើងខ្លះ?
ក្រុមខ្លាំងទាំអស់ស៊ុទ្ធតែឈ្នះ ដោយម្ចាស់ជើងឯក Manchester City បានយកឈ្នះ Southampton ១ទល់នឹង០ ស៊ុតបញ្ចូលទីចុងម៉ោងដោយខ្សែប្រយុទ្ធ Grabriel Jesus។ Mata បានបញ្ជូនបាល់ឲ្យ Rashford រកគ្រាប់ជួយលេខ២ បិសាចក្រហម ឈ្នះ Watford ជូនដំណើរ Carrick ចូលនិវត្តន៍ពីអាជីពបាល់ទាត់។
Arsenal បានយកឈ្នះ Huddersfield ១ទល់នឹង០ នៅថ្ងៃចុងក្រោយរបស់លោក Arsene Wenger ក្នុងនាមជាអ្នកចាត់ការទូទៅក្រុមកាំភ្លើងធំ។ ដោយឡែក Liverpool បានយកឈ្នះ Brighton ដើម្បីបានកៅអីពានទ្វីបអឺរ៉ុបរដូវកាលក្រោយ ស្របពេល Chelsea ចាញ់ Newscasle ធ្ងន់ក ៣-០។
មួយគ្រាប់របស់ខ្សែប្រយុទ្ធប្រេស៊ីល Gabriel Jesusបានជួយក្រុមរបស់លោក Pep Guardiolaទទួលបាន១០០ពិន្ទុនៅក្នុងក្របខ័ណ្ឌអង់គ្លេស Premier Leagueរដូវកាលនេះ។ ចំណែកក្រុមតោខៀវទទួលបានចំណាត់ថ្នាក់លេខ៥បន្ទាប់ពីលេងចាញ់ក្រុម Newscasle យ៉ាងអាម៉ាស។
៣ក្រុមដែលត្រូវកាត់ទៅលេងនៅក្នុងក្របខ័ណ្ឌអង់គ្លេសChampionship មានដូចជា Swansea City West Brom និង Stoke City។
កីឡាករអន្តរជាតិអេហ្ស៊ីប Mohamed Salah បានឈ្នះស្បែកជើងមាសនៅ Premier League សម្រាប់រដូវកាល ២០១៧-១៨ ក្រោយស៊ុតបញ្ចូលទី៣២គ្រាប់ ។ ខ្សែប្រយុទ្ធវ័យ២៥ឆ្នាំនេះរកបានមួយគ្រាប់នៅថ្ងៃចុងក្រោយ ហើយ១គ្រាប់នោះក៏បានធ្វើឲ្យ Salah បំបែកកំណត់ត្រាមួយនៅ Premier League ដែរគឺជាកីឡាករដំបូងដែលអាចស៊ុតបាន៣២គ្រាប់ក្នុងមួយរដូវកាលច្រើនជាងកីឡាករណាទាំងអស់។
ខាងក្រោមនេះគឺជាលទ្ធផលនៃការប្រកួតបាល់ទាត់កាលពីថ្ងៃអាទិត្យទី១៣ខែឧសភាឆ្នាំ២០១៨៖
