សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធសញ្ជាតិបារាំង Anthony Martial និយាយថា រូបគេឆ្អែតចិត្តនិងចង់ចាកចេញពីក្រុមបិសាចក្រហមManchester Unitedនៅក្នុងរដូវក្តៅនេះ។
លោក Philippe Lamboleyភ្នាក់ងាររបស់កីឡាករAnthony Martial បានបញ្ជាក់ថា Manchester Unitedចង់បន្តកុងត្រាជាមួយនឹង Martial ប៉ុន្តែគាត់មិនចង់ដោយសារតែ គាត់ចង់ផ្លាស់ទៅរកទ្រនំថ្មីដើម្បីបានលេងបាល់ទាត់ជាប្រចាំ។
កីឡាករវ័យ២២ឆ្នាំ Martial រកបាន១១គ្រាប់ក្នុងចំណោម៤៥ប្រកួតឲ្យក្រុមManchester Unitedកាលពីរដូវកាលមុន ហើយឱកាសលេងរបស់គាត់កាន់តែមានតិចតួច ចាប់តាំងពីកីឡាករAlexis Sanchezមកដល់។
បច្ចុប្បន្នក្លិបមាន់ខ្នាយមាស Tottenham កំពុងតែចង់បានកីឡាករAnthony Martial ដើម្បីយកទៅពង្រឹងផ្នែកប្រយុទ្ធរបស់ពួកគេក្រោមការដឹកនាំរបស់លោកMauricio Pochettino៕ ដេវីត
