សារព័ត៌មាន នគរវត្ត តែងតែនាំមុខគេជានិច្ច
គណៈកម្មការអឺរ៉ុបបានអនុម័តតបតនឹងវិស័យពាណិជ្ជកម្មជាមួយអាមេរិក ដោយ អឺរ៉ុបសម្រេចដំឡើងពន្ធ២៥ភាគរយ លើ ផលិតផលនាំចូលពីអាមេរិកផងដែរ។ទំនាក់ទំនង អាមេរិក-អឺរ៉ុប ដែលធ្លាប់តែជិតស្និទ្ធ ពេលនេះប្រឈមនឹងការប្រេះឆាជាច្រើន ពិបាកក្នុងការផ្សះផ្សាដូចដើមណាស់។
សកម្មភាពថ្មីៗនេះរបស់សហគមន៍អឺរ៉ុប អាចជំរុញឲ្យ ទំនាក់ទំនង ជាមួយអាមេរិក កាន់តែតានតឹង ក្នុងវិស័យពាណិជ្ជកម្ម អាចក្លាយទៅជាសង្គ្រាមពាណិជ្ជកម្ម ។ អ្វីដែលគួរឲ្យបារម្ភនោះ បើលោកត្រាំដំឡើងពន្ធលើរថយន្តនាំចូលពីអឺរ៉ុប ស្ថានភាពនឹង កាន់តែធ្ងន់ជាងនេះ។
គណៈកម្មការអឺរ៉ុប ក្រោយកិច្ចប្រជុំតាមគម្រោងបានអនុម័តលើច្បាប់ដំឡើងពន្ធដែលមាន តម្លៃ ៣,២ពាន់លានដុល្លារ លើទំនិញនាំចូលពីអាមេរិក ក្នុងនោះ មានផលិតផលកសិកម្ម ។
ប្រធានគណៈកម្មការពាណិជ្ជកម្មអឺរ៉ុប បានបញ្ជាក់ថា «អឺរ៉ុប មិនចង់ ឲ្យមានស្ថានភាពបែបនេះកើតឡើងនោះទេ។ប៉ុន្តែ អាមេរិកបាននិងកំពុងតែជំរុញឲ្យធ្លាក់ចូលក្នុងស្ថានភាពបែបនេះ»។ ប៉ុន្តែអ្វីដែលអឺរ៉ុបធ្វើនោះគឺធ្វើទៅតាមច្បាប់ពាណិជ្ជកម្មពិភពលោក WTO ហើយអឺរ៉ុប នឹងលុបចោលវិញ នៅពេលដែលអាមេរិក លុបពន្ធដែក និង អាលុយមីញ៉ូម។
ការដំឡើងពន្ធរបស់អាមេរិក បានធ្វើឲ្យ ប៉ះពាល់យ៉ាងខ្លាំងដល់ប្រទេសសម្ពន្ធមិត្ត ដោយសារតែវិស័យពាណិជ្ជកម្មអាមេរិក ភាគច្រើន ជាមួយប្រទេសសម្ពន្ធមិត្ត ក្នុង នោះមានអឺរ៉ុបជាដើម។ ហេតុការណ៍ខាងលើនេះបានធ្វើឲ្យសម្ពន្ធមិត្តអាមេរិក ចាក ចេញបន្តិចម្តងៗ បង្កក្តីបារម្ភដល់ ក្រុមអ្នកជំនួញរកសុីជនជាតិអាមេរិក ទាំងក្នុងនិង ក្រៅប្រទេស៕ ម៉ែវ សាធី
