សារព័ត៌មាន នគរវត្ត តែងតែនាំមុខគេជានិច្ច
អាមេរិក និងកាណាដាបានបញ្ជូនយន្តហោះចម្បំាងដល់ទៅ៥គ្រឿង បណ្តេញយន្តហោះទមា្លក់គ្រាប់រុស្ស៊ី២គ្រឿងដែលហោះចូលដែនអាកាស តំបន់អាមេរិកខាងជើ ។ យន្តហោះពីរគ្រឿង ប្រភេទF-22 និងCF-18 របស់អាមេរិកនិងកាណាដា បានប្រដេញយន្តហោះទម្លាក់គ្រាប់យុទ្ធសាស្ត្ររបស់រុស្ស៊ីពីរគ្រឿង ប្រភេទ Tu-160 Blackjack ដែលអាមេរិកចាត់ទុកថាជាយន្តហោះសម្រាប់ដាក់តាំងសារមន្ទីរ បានហោះហើរឆ្ពោះមកកាន់ដែនអាកាសនៅលើឆ្នេរសមុទ្រអាមេរិកខាងជើង ។
អាមេរិក និងកាណាដា ក៏បានសម្រេចបញ្ជូនយន្តហោះចម្បាំងពីរគ្រឿងទៅស្ទាក់ បណ្តេញយន្តហោះរុស្ស៊ី ឲ្យងាកក្បាលចេញទៅកាន់តំបន់ ប៉ូលខាងជើងវិញ ។ សកម្មភាពបណ្តេញយន្តហោះរុស្ស៊ីកើតឡើងក្រោយពេលដែលទីបញ្ជាការដែនអាកាស អាមេរិកខាងជើង NORAD បានប្រទះឃើញ ហើយបញ្ជូនយន្តហោះចម្បាំងពីរគ្រឿងទៅស្ទាក់ មុនពេលចូលដល់ដែនអាកាសរដ្ឋ Alaska អាមេរិក ។ យន្តហោះទម្លាក់គ្រាប់រុស្ស៊ី Tu-160 Blackjack ត្រូវបានផលិតឡើងសម្រាប់នាំគ្រាប់បែកបរមាណូទៅវាយប្រហារនៅក្នុងគោលដៅឆ្ងាយៗ។
ទីបញ្ជាការ NORAD ក្រោមការដឹកនាំរបស់ឧត្តមសេនីយ៍ Terrence J O’Shaughnessy បានបញ្ជាក់ថា ទីបញ្ជាការរបស់លោក បានប្រើប្រាស់ប្រព័ន្ធរ៉ាដា ផ្កាយរណប និងយន្តហោះចម្បាំងដើម្បី ការពារដែនអាកាសរបស់ខ្លួន ក្នុងការត្រួតពិនិត្យយាមល្បានដែនអាកាសតំបន់អាមេរិកខាងជើង និងកាណាដា ទប់ស្កាត់ការជ្រៀតជ្រែកចូលដែនអាកាសខុសច្បាប់ពីសត្រូវ។
ដែនអាកាស តំបន់រដ្ឋអាឡាស្កា តែងតែកើតមាននៅការហោះហើរចូលដែនអាកាសនេះពីយន្តហោះចម្បាំងរុស្ស៊ី ដោយសារតែ ជាប់ព្រំដែនគ្នាជាមួយរុស្ស៊ី ។ កាលពីខែកញ្ញាកន្លងមក យន្តហោះចម្បាំងអាមេរិកពីរគ្រឿងក៏បានបញ្ជូនទៅ រារាំងយន្តហោះទម្លាក់គ្រាប់របស់រុស្ស៊ី ចេញពីតំបន់ ដែនអាកាសខាងលើផងដែរ ៕
