សារព័ត៌មាន នគរវត្ត តែងតែនាំមុខគេជានិច្ច
នៅក្នុងកិច្ចប្រជុំសភា តំណាងរាស្ត្រអ៊ុយក្រែន លោក Yevgeny Rybchinsky បានស្នើ នៅវិធីសាស្ត្រដើម្បី សងសឹក ទៅលើប្រធានាធិបតី ពូទីន ដែលបានចុះហត្ថលេខា អនុញ្ញាតឲ្យផ្តល់លិខិតឆ្លងដែនសញ្ជាតិរុស្ស៊ីដល់ពលរដ្ឋអ៊ុយក្រែននៅក្នុងតំបន់ Donbass ។
លោក Yevgeny Rybchinsky បានបញ្ជាក់ថា មានពលរដ្ឋដើមកំណើតអ៊ុយក្រែន ជាច្រើនរស់នៅរុស្ស៊ី ពិសេសគឺរស់នៅក្នុងតំបន់ Tyumen, Kuban និង ម៉ូស្កូ ដោយអ្នកទាំងនោះពិតជាមានបំណង ចង់ចូលសញ្ជាតិ អ៊ុយក្រែន ។
លោក Yevgeny Rybchinskyបន្តទៀតថា «ប្រសិនបើមានសង្គ្រាម ដោយមិនមានសំឡេងផ្ទុះអាវុធ ដូច្នេះយើងចាំបាច់ត្រូវតែ តបតវិញឲ្យបានសមស្រប់បំផុត ។ លោក និងបន្តទៀតថា «ហេតុអ្វីបានជាយើងមិន ផ្តល់លិខិតឆ្លងដែនសញ្ជាតិអ៊ុយក្រែន ឲ្យពលរដ្ឋដែលរស់នៅរុស្ស៊ីវិញ ។
ជាមួយគ្នានេះ ប្រទេសអង់គ្លេស ក៏បានថ្កោលទោស ចំពោះទង្វើធ្វើឡើងដោយរុស្ស៊ី ដែលធ្វើឲ្យប្រជាពលរដ្ឋ នៅប្រទេសអ៊ុយក្រែន ភាគខាងកើត កាន់តែងាយស្រួលឡើង ក្នុងការទទួលបាន លិខិតឆ្លងដែនរុស្ស៊ី ។
ក្រសួងការបរទេសនៃប្រទេសអង់គ្លេស បាននិយាយនៅក្នុង សេចក្តីថ្លែងការណ៍មួយ កាលពីថ្ងៃព្រហស្បតិ៍ថា “ចំណាត់ការបែបនេះ គឺជារឿងដ៏ថ្មីបំផុត នៅក្នុងទម្រង់នៃឥរិយាបថរុស្ស៊ី ដែលមានគោលបំណងគំរាមកំហែង ដល់សន្តិសុខ និងអធិបតេយ្យ របស់ប្រទេសអ៊ុយក្រែន និងធ្វើឲ្យប៉ះពាល់ដល់បូរណភាព ទឹកដីនៃប្រទេសនេះ” ។
“មន្ត្រីរុស្ស៊ី បានស្វះស្វែងធ្វើទង្វើបែបនេះ ឲ្យទៅជាភាពត្រឹមត្រូវ តាមរយៈការលើកឡើងពីក្តីព្រួយបារម្ភមនុស្សជាតិ ប៉ុន្តែសហគមន៍ដែលពួកគេអះអាងគាំទ្រ កំពុងតែទទួលរងនូវផលវិបាកនៃជម្លោះមួយ ដែលបានចាប់ផ្តើមឡើង និងពុះកញ្ជ្រោលកាន់តែខ្លាំងឡើង ដោយសាររុស្ស៊ី និង កងកម្លាំងតំណាងរុស្ស៊ី” ៕
