ព័ត៌មានទាន់ហេតុការណ៍៖

ប្រធានាធិបតីអាមេរិក អាចនឹងទៅកាន់តំបន់គ្មានយោធា នៅព្រំដែនកូរ៉េទាំងពីរ

ចែករំលែក៖

ប្រធានាធិបតីអាមេរិក ដូណាល់ ត្រាំ នឹងបំពេញទស្សនកិច្ចទៅកាន់កូរ៉េខាងត្បូង រយៈពេល​២ថ្ងៃ​ នាចុងសប្តាហ៍នេះ។ នៅទីនោះលោកត្រាំ អាចនឹងទៅកាន់តំបន់ព្រំដែន គ្មានយោធាជាប់កូរ៉េខាងជើង ។

លោក Ko Min-jung អ្នកនាំពាក្យវិមានពណ៌បៃតង កាលពីអំឡុងពេលធ្វើបទសង្ខេបព័ត៌មានប្រចាំថ្ងៃទី២៤ ខែមិថុនា ឆ្នាំ២០១៩បញ្ជាក់ថា ប្រធានាធិបតីដូណាល់ ត្រាំ នឹងបំពេញទស្សនកិច្ចផ្លូវការនៅកូរ៉េខាងត្បូង រយៈពេលពីរថ្ងៃ ចាប់ផ្តើមពីថ្ងៃសៅរ៍ ចុងសប្តាហ៍នេះ ដើម្បីជួបជាមួយប្រធានាធិបតីកូរ៉េខាងត្បូង លោក Moon Jae-in នៅថ្ងៃអាទិត្យ ទី៣០ ខែមិថុនា ឆ្នាំ២០១៩ ។

តាមអ្នកនាំពាក្យដដែលបញ្ជាក់ថា អំឡុងពិភាក្សា លោកប្រធានាធិបតីដូណាល់ ត្រាំ និង លោក Moon នឹងពិភាក្សាឲ្យស៊ីជម្រៅ កិច្ចសហប្រតិបត្តិការរវាងប្រទេសទាំងពីរ ទៅលើការរំសាយអាវុធនុយក្លេអ៊ែរទាំងស្រុង និងមានសន្តិភាពជាអចិន្ត្រៃយ៍នៅឧបទ្វីបកូរ៉េ ។ ភាគីទាំងពីរពង្រឹងសម្ពន្ធភាពជាមួយគ្នាឲ្យកាន់តែរឹងមាំបន្ថែមទៀត ។

សូមបញ្ជាក់ថា មេដឹកនាំប្រទេសទាំងពីរជួបប្រជុំគ្នាលើកចុងក្រោយកាលពីខែមេសា ឆ្នាំ២០១៩ ប៉ុណ្ណោះ គឺមេដឹកនាំកូរ៉េខាងត្បូង បានបំពេញទស្សនកិច្ចទៅកាន់ទីក្រុងវ៉ាស៊ីនតោន ៕


ចែករំលែក៖