សារព័ត៌មាន នគរវត្ត តែងតែនាំមុខគេជានិច្ច
នៅប្រទេសជាច្រើន ក្នុងបំបន់បារម្ភពីជំងឺគ្រុនផ្តាសាយជ្រូកអាហ្វ្រិក ដែលកំពុងតែរាលដាលយ៉ាងខ្លាំង ។ ចំណែកនៅប្រទេសមីយ៉ាន់ម៉ាវិញ ក្រៅពីផ្តាសាយជ្រូកនៅមាន ជំងឺគ្រូនផ្តាសាយបក្សី H1N1 បានសម្លាប់ពលរដ្ឋមីយ៉ាន់ម៉ាកើនឡើងដល់៣៧នាកហើយ ។
កាលពីថ្ងៃទី១១ ខែកក្កដា ឆ្នាំ២០១៩ ក្រសួងកីឡា និងសុខភាពរបស់មីយ៉ាន់ម៉ា នាយកដ្ឋានសុខាភិបាលសាធារណៈបានបញ្ជាក់ថា ពលរដ្ឋមីយ៉ាន់ម៉ា បន្តបាត់បង់ជីវិតដោយសារជំងឺ H1N1 កើនឡើង៣៧ករណី នៅទូទាំងប្រទេស ។
ប្រភពបញ្ជាក់ថា នៅ យ៉ាំងហ្គូន តែមួយ មានករណីស្លាប់ដោយជំងឺH1N1នេះ ចំនួន២៩នាក់ ។ នៅតំបន់ Ayeyarwady ស្លាប់៣ករណី, តំបន់ Bago មានពីរករណី, តំបន់ Sagaing មានពីរករណី និងនៅរដ្ឋ Mon មានអ្នកស្លាប់ដោយជំងឺ H1N1 នេះចំនួនមួយករណី ។
ជាមួយគ្នានេះ អ្នកជំងឺសង្ស័យមានចំនួន៥៣៧នាក់ ក្នុងនោះ ១៩៥នាក់ពិនិត្យឃើញលទ្ធផលវិជ្ជមាន ផ្ទុកវីរុស H1N1 នេះនៅទូទាំងប្រទេស ។
ប្រភពបញ្ជាក់ថា ពីថ្ងៃទី១ មករា រហូតដល់ថ្ងៃទី១០ ខែកក្កដា ឆ្នាំ២០១៩ មនុស្ស១១៦នាក់ បានបះពាល់ជាមួយអ្នកជំងឺ H1N1 នៅទីក្រុង យ៉ាងហ្គូន ខណៈ១៦នាក់បានឆ្លងនៅក្នុងរដ្ឋ រ៉ាកឃីន និងក្រៅពីនោះ នៅតាមតំបន់ និងរដ្ឋផ្សេងៗទៀត ។
រដូវកាលវាយលុកដោយជំងឺH1N1 នេះនៅក្នុងប្រទេសមីយ៉ាន់ម៉ា គឺក្នុងខែកក្កដា ឆ្នាំ២០១៧ ។ កាលណោះ មនុស្ស៤០៨នាក់បានឆ្លងជំងឺនេះ ក្នុងនោះ បានស្លាប់៣៨នាក់ ទូទាំងប្រទេស ។ អ្នកជំនាញអំពីសុខភាពបានអះអាងថា រោគសញ្ញារបស់ជំងឺ H1N1 រួមមាន៖ គ្រុនក្តៅ, ក្អក, ឈឺបំពង់ក, ហៀរសំបោរ, ឈឺក្រពះ, ឈឺក្បាលកន្ត្រាក់, ក្អួត និងរាគរូស ។
រោគសញ្ញាទាំងនោះ កើតឡើង ក្នុងរយៈពេលពីមួយថ្ងៃទៅប្រាំថ្ងៃ ដែលត្រូវបានគេហៅថា រយៈពេលនៃការក្អួត គឺបន្ទាប់ពីបានប៉ះពាល់ទៅនឹងមនុស្ស ដែលឆ្លងមេរោគ ។ វីរុសនេះ ត្រូវឆ្លងរីករាលដាលតាមរយៈដំណក់ខ្យល់ចេញពីការកណ្តាស់ និងក្អក ឬដោយដៃកខ្វក់ដែលចេញជាតិប្រៃ ៕
