សារព័ត៌មាន នគរវត្ត តែងតែនាំមុខគេជានិច្ច
ក្នុងពេលដែលតួកគីចាប់ផ្តើមធ្វើសង្គ្រាមនៅក្នុងប្រទេសស៊ីរី វាយប្រហារទៅលើក្រុមជនជាតិឃឺដ ក្រោយអាមេរិក ដកទ័ព ។ មនុស្សជាច្រើនជុំវិញពិភពលោក ពិតជាចង់ដឹងថា តើ តួកគី មានកម្លាំងទាហាន ខ្លាំងប៉ុណ្ណា និងអាវុធទំនើបៗ ច្រើនប៉ុណ្ណា?
កម្លាំងទាហាន តួកគី មានយន្តហោះចម្បាំង គ្រប់ប្រភេទ១ពាន់គ្រឿង រថក្រោះ៣ពាន់គ្រឿង នាវាចម្បាំង១៩៤គ្រឿង ។ តួកគីឈរលំដាប់ ទី៩នៅលើពិភពលោក ពីកម្លាំងយោធានិងអាវុធខ្លាំងបំផុត។
តាមសារព័ត៌មាន Global Fire Power កម្លាំងទាហានតួកគី មានទាហានសរុប៤១២.៦៩១នាក់ ឈរលំដាប់ទី១៤លើពិភពលោកពីចំនួនទាហាន។ ក្រៅពីនេះនៅមានទាហានបម្រុង ៣៧៨ពាន់នាក់ទៀតដែលបានឆ្លងកាត់ការហ្វឹកហាត់រយៈពេល១២ខែ។
កម្លាំងទាហានជើងកោគតួកគី មានរថក្រោះ៣២០០គ្រឿង ភាគច្រើនទិញពីអាល្លឺម៉ង អាមេរិក ។ ក្រៅពីនេះនៅមានរថពាសដែក ៩៥០០គ្រឿង ភាគច្រើនផលិតនៅក្នុងប្រទេស និងទិញពីអាមេរិក រុស្ស៊ី។ ក្រៅពីនេះនៅមានកម្លាំងកាំភ្លើងធំ រ៉ុក្កែត ក្នុងនោះមាន រ៉ុក្កែត T-300 ទិញពីប្រទេសចិន។ អ្វីដែលគួឲ្យចាប់អារម្មណ៍នោះ តួកគីមានមីស៊ីល ការពារដ៏ទំនើប S-400 ទិញពីរុស្ស៊ីពេលថ្មីៗនេះ។
កម្លាំងទាហានអាកាសតួកគី អាចនិយាយបានថាខ្លាំងបំផុតនៅក្នុងតំបន់អឺរ៉ូប ខាង លិច និង អាគ្នេយ៍។ តួកគីមានយន្តហោះ២៤៥ គ្រឿងប្រភេទ F-16 ផលិតដោយអាមេរិក ។ យន្តហោះដឹកជញ្ជូនយោធា៨៧ គ្រឿង រួមមាន A400M,CN-235,C-130 ។ ក្រៅពីនេះនៅមានយន្តហោះហ្វឹកហាត់ និងដឹកជញ្ជូនផ្សេងៗមាន២៨៩គ្រឿង ។
អំពី ទាហានជើងទឹក តួកគីមាននាវាចម្បាំងគ្រប់ប្រភេទ១៩៤គ្រឿង រួមទាំងនាវាមុជទឹក១២គ្រឿង ។ នាវាចម្បាំងទំនើបបំផុតរបស់តួកគី គឺប្រភេទBarbarmos មានចំណុះ៣៥០០តោនបំពាក់កាំជ្រួចមីស៊ីល ៕
