សារព័ត៌មាន នគរវត្ត តែងតែនាំមុខគេជានិច្ច
អាមេរិកពិតជាខូចណាស់ នៅពេលដែលយន្តហោះគ្មានមនុស្សបើករបស់ចិនកំពុងតែពេញនិយមនៅលើទីផ្សារដោយមានប្រទេសជាច្រើនទិញយកទៅប្រើប្រាស់ ។ ចំណែកអាមេរិក ក៏ទិញពីចិនដូចគ្នា តែមិនមែនទិញយកទៅ ប្រើប្រាស់នោះឡើយ គឺទិញយន្តទៅធ្វើផ្ទាំងស៊ីបបាញ់ប្រហារ ហ្វឹកហាត់។
កាលពីថ្ងៃទី២៧ ខែតុលា កម្លាំងទាហានអាមេរិកបានប្រកាសថានឹងបន្តទិញយន្តហោះ គ្មាន មនុស្សបើក មួយចំនួនធំដែលផលិតដោយប្រទេសចិន មកធ្វើជាផ្ទាំងស៊ីបចល នាហោះហើរ នៅលើអាកាស សម្រាប់ទាហានអាមេរិក ហ្វឹកហាត់បាញ់ប្រហារ។
អ្នកនាំពាក្យ មន្ទីបញ្ចកោណអាមេរិកលោក Mike Andrews បានប្រកាសថា ជារៀងរាល់លើក ដែលអាមេរិកទិញយន្តហោះគ្មានមនុស្សបើកពីចិន គឺទុកធ្វើជាផ្ទាំង ស៊ីបបាញ់ ប្រហារតែ ប៉ុណ្ណោះ ហើយការទិញគឺត្រូវបានលើកលែងពន្ធ។
រដ្ឋលេខាធិការក្រសួងការពារជាតិអាមេរិកទទួលបន្ទុក ទិញសព្វាវុធ និងបច្ចេកវិទ្យា សម្រាប់ ក្រសួងការពារជាតិ លោក Ellen Lord បានបញ្ជាក់ថា ការទិញយន្តហោះគ្មានមនុស្សបើកត្រូវបានលើកលែងពន្ធជាពិសេស ដើម្បីយកមកហ្វឹកហាត់ ដល់កម្លាំងប្រឆាំង យន្តហោះ គ្មានមនុស្សបើក អាមេរិក ក្នុងការវាយប្រហារបាញ់កម្ទេច យន្តហោះរបស់សត្រូវ។
លោក Ellen Lord បន្តទៀតថា «យើងមិនអនុញ្ញាតឲ្យបើប្រាស់យន្តហោះ គ្មានមនុស្សបើក របស់ ចិន នៅក្នុងស្ថានភាពពិតនោះឡើយ ដោយគ្រាន់តែប្រើប្រាស់ដើម្បី ធ្វើជាផ្ទាំងស៊ីបបាញ់ប្រហារតែប៉ុណ្ណោះ »។
សកម្មភាពរបស់អាមេរិក កើតឡើងក្រោយពេលដែលយន្តហោះគ្មានមនុស្សបើក វាយលុក របស់ ចិន កាន់តែទទួលបានទំនុកចិត្តពីបណ្តាប្រទេស ទិញយកទៅប្រើប្រាស់ ក្នុងនោះមាន អ៊ីរ៉ាក់ ស៊ីរី ប៉ាគីស្ថាន កូរ៉េខាងជើង…ក៏ដូចជាបណ្តាប្រទេសនៅក្នុងទ្វីបអាហ្វ្រិក។ បច្ចុប្បន្នអ៊ីរ៉ាក់ បានប្រើប្រាស់ យន្តហោះគ្មានមនុស្សបើករបស់ចិន វាយលុកទៅលើទីតាំង នានា របស់ក្រុមភេរវកម្ម៕
