សារព័ត៌មាន នគរវត្ត តែងតែនាំមុខគេជានិច្ច
អតីតប្រធានាធិបតី ប៊ូឡាវី លោក Evo Morales ទទួលបានសិទ្ធិិស្នាក់នៅក្នុងប្រទេសម៉ិចស៊ីកូ កាលពីថ្ងៃទី១១ ខែវិច្ឆិកា ក្រោយពេលលោកត្រូវបានយោធា បង្ខំឲ្យលាលែងចេញពីតំណែងបញ្ចប់វិវាទនយោបាយ ។
រដ្ឋមន្ត្រីការបរទេសម៉ិចស៊ីកូ លោក Marcelo Ebrard បានប្រកាសថា លោក Morales ទទួលបានសិទ្ធិ ភៀសខ្លួន ដោយមូលហេតុមនុស្សធម៌បន្ទាន់។ រដ្ឋមន្ត្រីការបរទេសម៉ិចស៊ីកូ បញ្ជាក់ថា ការរស់នៅរបស់លោក Morales ប្រឈមនឹងគ្រោះថ្នាក់ ទើបម៉ិចស៊ីកូ សម្រេច ឲ្យលោក ស្នាក់នៅភៀសខ្លួន។
លោក Morales បានលាលែងចេញពីតំណែងកាលពីថ្ងៃទី១០ ខែវិច្ឆិកា ក្រោយមានមហាបាតុកម្មអូសបន្លាយជាច្រើនសប្តាហ៍ ហើយកម្លាំងយោធានៅក្នុងប្រទេសនេះក៏បានចូលរួមធ្វើបាតុកម្មផងដែរ ។
ពាក់ព័ន្ធការធ្វើរដ្ឋប្រហារ រដ្ឋាភិបាលប៊ូឡាវី បានលើកឡើងថា អាចនឹងមានការចូលរួមពីអាមេរិកនៅទីនោះ
កាលពីថ្ងៃទី១១ ខែវិច្ឆិកា មេដឹកនាំក្រុមប្រឆាំងនៅបារាំង បានលើកឡើងថា អាមេរិក អាចជាប់ពាក់ព័ន្ធគម្រោងធ្វើរដ្ឋប្រហារទម្លាក់រដ្ឋាភិបាល ប៊ូឡាវី ធ្វើឲ្យប្រធានាធិបតី Evo Morales ត្រូវប្រកាស លាលែងចេញពីតំណែង ដើម្បីបញ្ចៀសការបង្ហូរឈាន និងប៉ះពាល់ដល់សេដ្ឋកិច្ចជាតិ។
រដ្ឋប្រហារនៅប៊ូឡាវី កើតឡើង ក្នុងពេលដែល មេបញ្ជាការកងទ័ព ប៊ូឡាវី និង ស្នងការប៊ូលិសជាតិ បានទៅស្នើដោយផ្ទាល់ដល់ប្រធានាធិបតី ប៊ូឡាវី ឲ្យលាលែងពីតំណែង ។ សំណើរលាលែងពីតំណែងពីសំណាក់ថ្នាក់ដឹកនាំ យោធា និងប៉ូលិសជាតិ គឺជាការធ្វើរដ្ឋប្រហារមិនបង្ហូរឈាន នៅក្នុងប្រទេសនេះ។
រដ្ឋាភិបាល ប៊ូឡាវី បានប្រកាសថា សកម្មភាព ធ្វើរដ្ឋប្រហារ គឺមានការលូកដៃពីបរទេស ដើម្បីសម្រេចផលប្រយោនជ៍របស់ប្រទេសនោះ។ ប៊ូឡាវីនឹងរៀបចំការបោះឆ្នោតជាថ្មី នៅពេលខាងមុខ ។
ប្រធានាធិបតីប៊ូឡាវី រងការចោទប្រកាន់ បន្លំនៅក្នុងការបោះឆ្នោតនាពេលកន្លងមក បង្ករឲ្យមានមហាបាតុកម្មប្រឆាំងរូបលោក ។ ក្រោយការលាលែងពីតំណែងនោះ ប៊ូឡាវីនឹងបោះឆ្នោតជាថ្មី ដោយមានការចូលរួមត្រួតពិនិត្យ ពីសហគមន៍អឺរ៉ុប ៕
