សារព័ត៌មាន នគរវត្ត តែងតែនាំមុខគេជានិច្ច
ស្រីលង្កាទើបតែឆ្លងកាត់ដំណាក់កាលអសន្តិសុខបំផុតមិនធ្លាប់មានក្នុងប្រវត្តិសាស្ត្រ ដោយសារតែការវាយប្រហារភេរវកម្ម សម្លាប់មនុស្សរាប់រយនាក់ ក្នុងពេលតែមួយ។ នៅពេលនេះពលរដ្ឋស្រីលង្កាក៏បានចាប់ផ្តើមទៅបោះឆ្នោត ដើម្បីជ្រើសរើសមេដឹកនាំថ្មីអាចជួយដល់ពលរដ្ឋរួចផុតពីភាពក្រីក្រ។
កាលពីថ្ងៃទី១៦ ខែវិច្ឆិកា ពលរដ្ឋស្រីលង្កាជាង១៦លាននាក់នឹងទៅចូលរួមបោះឆ្នោតជ្រើសរើសប្រធានាធិបតីថ្មី ។ នៅក្នុងការបោះឆ្នោតលើកនេះ មានបេក្ខភាពឈរឈ្មោះបោះឆ្នោតមានដល់ទៅ៣៥ រូប។
ការបោះឆ្នោតស្រីលង្កា កើតឡើងក្រោយមានការវាយប្រហារភេរវកម្មជាច្រើនករណី នៅក្នុងប្រទេសនេះ ក្នុងនោះមានការវាយប្រហារ នៅសណ្ឋា គារ និងព្រះវិហា កាលពីខែមេសាឆ្នាំ២០១៩ សម្លាប់មនុស្ស២៦៩នាក់ ។ប៉ូលិសស្រីលង្កា បានបង្កើនសន្តិសុខ ការពារនៅទូទាំងប្រទេស ដើម្បីធានាដល់ពលរដ្ឋទៅបោះឆ្នោត ប្រកបដោយសុវត្ថិភាព។ កម្លាំងប៉ូលិស ជាង៦មឺននាក់ រួមទាំងកម្លាំងការពារក្នុងតំបន់ ជាង ៨ពាន់នាក់ ការពារសន្តិសុខ។
ក្នុងចំណោមបេក្ខភាព ចូលរួមការបោះឆ្នោតទាំង៣៥នាក់ មាន២ រូប លេចថ្លោជាងគេបំផុតគឺ រដ្ឋមន្ត្រី ទទួលបន្ទុកដីធ្លី លោក Sajith Premadasa និងបេក្ខភាព Gotabaya Rajapaksa មកពីគណបក្ស ប្រឆាំង ។
លោក Sajith Premadasa បានបញ្ជាក់ពីគោលនយោបាយរបស់លោកថា «យើងនឹងខិតខំជំរុញគោលនយោបាយកាត់បន្ថយភាពក្រីក្រ ប្រកបដោយប្រសិទ្ធិភាព ក្នុងរយៈពេលខ្លីបំផុត។
សហគមន៍ អឺរ៉ុបបានបញ្ជូនក្រុមសង្កេតការណ៍ បន្ថែម៣០នាក់ទៀតទៅកាន់ស្រីលង្កា សរុបមាន៨០ នាក់។ លទ្ធផលបោះឆ្នោតនឹងត្រូវប្រកាស នៅថ្ងៃទី១៧ ខែវិច្ឆិកា៕
