សារព័ត៌មាន នគរវត្ត តែងតែនាំមុខគេជានិច្ច
គ្រោះថ្នាក់ធ្លាក់យន្តហោះធុនតូច និងឧទ្ធម្ភាគចក្របានកើតឡើងជាបន្តបន្ទាប់នៅលើទឹកដីអាមេរិក ដោយកាលពីថ្ងៃទី២២ ខែមករា មានគ្រោះថ្នាក់ថ្លាក់យន្តហោះធុនតូចសម្លាប់មនុស្ស ៤នាក់ ។ នៅថ្ងៃទី២៦ ខែមករា ក៏មានគ្រោះថ្នាក់ធ្លាក់ឧទ្ធម្ភាគចក្រ សម្លាប់មនុស្ស៩នាក់ក្នុងនោះមាន តារាបាល់បោះដ៏ល្បីល្បាញរបស់អាមេរិក និងកូនស្រី ស្លាប់ក្នុងហេតុការគ្រោះថ្នាក់នោះដែរ ។
ឧទ្ធម្ភាគចក្រដឹក តារាបាល់បោះ Kobe Bryant និងកូនស្រីបានហោះហើរឆ្លងកាត់តំបន់ Calabasas ក៏ស្រាប់តែឆាបឆេះធ្លាក់ចុះដីបណ្តាលឲ្យ កីឡាករបាល់បោះដ៏ល្បីល្បាញស្លាប់ ។
សារព័ត៌មាន Fox Sports បានផ្សាយថាកីឡាករបាល់បោះ Kobe Bryant បានស្លាប់ នៅក្នុងគ្រោះថ្នាក់ធ្លាក់ ឧទ្ធម្ភាគចក្រកាលពីថ្ងៃទី២៦ខែមករា(ពេលវេលាអាមេរិក) ។ ក្រុមជួយសង្គ្រោះទទួលបានការហៅឲ្យទៅជួយ ប៉ុន្តែមិនអាចជួយដល់អ្នកដំណើរនៅនៅលើឧទ្ធម្ភាគចក្រនោះឡើយ ។
តាមការលើកឡើងរបស់មន្ត្រីក្នុងតំបន់បានឲ្យដឹងថា គ្មានអ្នកណា នៅរស់ក្រោយករណីគ្រោះថ្នាក់នោះឡើយ ។ កុមារី Gianna អាយុ១៣ឆ្នាំ កូនស្រីរបស់ Kobe Bryant ក៏បានស្លាប់ជាមួយឪពុកនៅក្នុង ថ្នាក់នោះដែរ ។
សារព័ត៌មាន Latimes បានផ្សាយថា ករណីគ្រោះថ្នាក់ធ្លាក់ឧទ្ធម្ភាគចក្រនោះមានអ្នកស្លាប់ដល់ទៅ ៩ នាក់ មិនមែន៤ នាក់ ដូចព័ត៌មាននាពេលដំបូងនោះឡើយ ។ នៅក្នុងពេលជួបគ្រោះថ្នាក់ មានការចុះអ័ព្ទយ៉ាងក្រាស់ អាចជាមូលហេតុបណ្តាលឲ្យឧទ្ធម្ភាគចក្រឆេះ៕
