សារព័ត៌មាន នគរវត្ត តែងតែនាំមុខគេជានិច្ច
ជំងឺរលាកសួតបង្កឡើងដោយវីរុសកូរ៉ុណាថ្មី (20129-nCoV) មកដល់ថ្ងៃទី៩ ខែកុម្ភៈ ឆ្នាំ២០២០ បណ្តាលឲ្យស្លាប់អ្នកជំងឺកើនឡើង ៨១៣នាក់ និងឆ្លង ៣៧ ៥៦៩នាក់ ។ ប៉ុន្តែយ៉ាងណាក៏ដោយ អ្នកជំងឺ ២ ៤០៨នាក់ បានចាកចេញពីមន្ទីរពេទ្យវិញផងដែរ ។ នេះបើតាមការផ្សាយរបស់គេហទំព័រ wikipedia ។
យើងធ្លាប់បានដឹងមកហើយថា ជំងឺកូរ៉ូណាថ្មីនេះផ្ទុះឡើងនៅខែធ្នូ ឆ្នាំ២០១៩ នៅទីក្រុងវូហាន ខេត្តហ៊ូប៉ី ភាគកណ្តាលរបស់ប្រទេសចិន ហើយមកទាល់នឹងខែកុម្ភៈ ឆ្នាំ២០២០នេះ មេរោគបានចម្លង និងរាលដាលនៅក្នុងតំបន់ និងប្រទេសជុំវិញពិភពលោកចំនួន២៨ ។ អង្គការសុខភាពបានប្រកាសចាត់ទុកជាបញ្ហាអាសន្ន ព្រួយបារម្ភបំផុត ខណៈដែលមិនទាន់រកឃើញថ្នាំព្យាបាល ឬវាក់សាំងបង្ការនៅឡើយទេ ។
នៅប្រទេសចិន ជំងឺនេះបានរាតត្បាតឆ្លងចំនួន ៣៧ ២២១នាក់ ក្នុងនោះបាត់បង់ជីវិត ៨០៤នាក់ និងចាកចេញពីមន្ទីរពេទ្យវិញ ២ ៣៧៤នាក់វិញផងដែរ ៕
