ព័ត៌មានទាន់ហេតុការណ៍៖

កូវីដ-១៩ ធ្វើឲ្យមហាអំណាច​សេដ្ឋកិច្ច ទីពីរនិងទីបី​ កាន់តែមានទំនាក់ទំនងជិតស្និទ្ធ

ចែករំលែក៖

ទំនាក់ទំនងរវាងជប៉ុននិងចិន កាន់តែជិតស្និទ្ធ​​ ដោយប្រទេសមហាអំណាចសេដ្ឋកិច្ចទាំងពីរ បានខិតខំទប់ស្កាត់ការឆ្លងរាលដាលនៃវីរុស​កូវីដ-១៩។ ចិននិងជប៉ុនជាប្រទេសដែលមានចំនួនអ្នកឆ្លង​វីរុស កូវីដ​ ច្រើនជាងគេបង្អស់។

នៅពេលនេះ ជប៉ុនក៏បានត្រៀមរៀបចំដំណើរទស្សនកិច្ច​របស់ប្រធានាធិបតីចិន ស៊ី ជីនពីង​បំពេញទស្សនកិច្ច ទៅកាន់ប្រទេសជប៉ុន នៅខែមេសា ឆ្នាំ​២០១៩​។ ដំណើរទស្សនកិច្ចរបស់មេដឹកនាំចិន ទៅកាន់ជប៉ុនចុងក្រោយបង្អស់គឺនៅខែឧសភា​ឆ្នាំ​២០០៨ ពេលនោះគឺប្រធានាធិបតី ហ៊ូជីនតាវ​។

ពាក់ព័ន្ធសេដ្ឋកិច្ចប្រជប៉ុន  ពេលនេះកំពូងតែជួបប្រទះឱនភាពសេដ្ឋកិច្ច​ក្នុងខែមករា ចំពេលភ័យខ្លាច​កើនឡើង នៃវីរុសកូវីដ-១៩​។ សារព័ត៌មាន startribune កាលពីថ្ងៃទី១៨ ខែកុម្ភៈ ឆ្នាំ២០២០​ បានផ្សាយ​ថា ប្រទេសជប៉ុន​បានប្រកាស​កាលពីថ្ងៃទី​១៨​ ខែកុម្ភៈ ថា បានជួប​នូវ​ឱនភាពសេដ្ឋកិច្ច​ នៅក្នុងខែមករា ឆ្នាំ២០២០ ខណៈដែលការនាំចេញ​មានការធ្លាក់ចុះ ចំពេលវេលាកំពុង​កំណើនព្រួយបារម្ភ​​អំពីការឆ្លងរាលដាល​មេរោគថ្មី​ ដែលអាចធ្វើឲ្យសេដ្ឋកិច្ច​នៅក្នុង​តំបន់ជួបនូវគ្រោះមរណៈ ។

ក្រសួងសេដ្ឋកិច្ច​របស់ប្រទេសជប៉ុន​បានចេញផ្សាយ​របាយការណ៍​មួយថា ឱនភាពសេដ្ឋកិច្ច​របស់ជប៉ុន​កាលពីខែ​កន្លងហើយ​​មានសរុប ១,៣ពាន់លានយ៉េន (ប្រហែល​១២ពាន់លានដុល្លារអាមេរិក) ។

ប្រភពបានបញ្ជាក់ថា នេះជាឱនភាពសេដ្ឋកិច្ច​​រយៈពេល​៣ខែជាប់ៗគ្នា ។ ជប៉ុន​គឺជាប្រទេសដែលមានសេដ្ឋកិច្ច​ធំលំដាប់ទី​៣របស់ពិភពលោក ។

កាលពីខែតុលា ឆ្នាំ២០១៩ ប្រទេសជប៉ុន​បានគ្រប់គ្រង​អតិរេក​ពាណិជ្ជកម្ម​មួយភាគធំ ដោយសារតែការធ្លាក់ចុះតម្លៃប្រេងឆៅ បានប៉ះប៉ូវគ្នាចំពោះ​ការធ្លាក់ចុះការនាំចេញ​របស់ខ្លួន ។

យោងតាមរបាយការណ៍​ចេញផ្សាយដោយក្រសួងសេដ្ឋកិច្ច​ដដែលបានបញ្ជាក់ទៀតថា ការនាំចេញ និងការនាំចូលរបស់ជប៉ុន ទៅកាន់ប្រទេសចិនបានធ្លាក់ចុះកាលពីខែមករា ឆ្នាំ២០២០ ហើយការនាំចេញ និងការនាំចូលរបស់ជប៉ុនទៅកាន់សហរដ្ឋអាមេរិក ក៏បានធ្លាក់ចុះផងដែរ នៅក្នុងខែកុម្ភៈ ឆ្នាំនេះ ។

ការផ្ទុះឡើងនូវជំងឺ COVID-19 កាលពីចុងឆ្នាំ២០១៩​នោះ បាននាំឲ្យបញ្ឈប់​​ផលិតកម្ម​រោងចក្រ និងការរារាំងដល់សកម្ម​ភាពធ្វើដំណើរផងដែរនោះ កំពុងធ្វើឲ្យ​មានការព្រួយបារម្ភ​កាន់តែខ្លាំងឡើង​​អំពីសេដ្ឋកិច្ច​នៅក្នុងប្រទេសចិន ដែលជាប្រទេស​មានសេដ្ឋកិច្ច​រុញច្រានយ៉ាងសំខាន់​សម្រាប់សេដ្ឋកិច្ច​នៅក្នុងតំបន់ទាំងមូល ៕


ចែករំលែក៖