សារព័ត៌មាន នគរវត្ត តែងតែនាំមុខគេជានិច្ច
នៅទូទាំងប្រទេសចិន កាលពីថ្ងៃទី២១ ខែកុម្ភៈ មានអ្នកឆ្លងវីរុសកូវីដ-១៩ថ្មី តែ៣៩៧នាក់ប៉ុណ្ណោះ គឺទាបជាងពាក់កណ្តាលបើប្រៀបធៀបក្នុងរយៈមួយថ្ងៃដូចគ្នា គឺនៅថ្ងៃទី២០ ខែកុម្ភៈ មានអ្នកឆ្លងដល់ទៅ៨៨៩នាក់ ។
ចំណែកចំនួនអ្នកស្លាប់នៅក្នុងប្រទេសចិន ក៏ថយចុះផងដែរនៅថ្ងៃទី២១ ខែកុម្ភៈ គឺមានអ្នកស្លាប់១០៩នាក់ ចំណែកថ្ងៃទី២០ ខែកុម្ភៈ មានអ្នកស្លាប់ដល់១១៨នាក់ ។
គិតដល់ម៉ោង៦ព្រឹក ថ្ងៃទី២២ ខែកុម្ភៈ ឆ្នាំ២០២០ មានអ្នកស្លាប់ដោយវីរុដកូវីដ-១៩ នៅលើពិភពលោកមាន ២៣៤៥នាក់ និងអ្នកឆ្លងសរុបមាន ៧៦៨០៦នាក់ ។
សារព័ត៌មាន South China Moring Post បានដកស្រង់តួលេខពីក្រសួងសុខាភិបាលចិន បានប្រកាសថា គិតត្រឹមម៉ោង៦ព្រឹកថ្ងៃទី២២ ខែកុម្ភៈមានអ្នកឆ្លងវីរុស កូវីដ-១៩ព្យាបាលជាសះស្បើយ ត្រឡប់ទៅផ្ទះវិញ មាន១៨ ៦៣១នាក់។
ក្រៅពីប្រទេសចិន មានអ្នកស្លាប់ដោយវីរុស្សកូវីដ-១៩ ដល់ទៅ១៤នាក់នៅបណ្តាប្រទេសជុំវិញពិភពលោក ក្នុងនោះមាន ៣នាក់ស្លាប់ដោយកូវីដ-១៩នៅជប៉ុន ២នាក់នៅកូរ៉េខាងត្បូង ២នាក់នៅហុងកុង១នាក់នៅតៃវ៉ាន ៤នាក់នៅអ៊ីរ៉ង់ ១នាក់នៅបារំាង ១នាក់នៅហ្វីលីពីន។
វីរុសកូវីដ-១៩ ក៏បានឆ្លងដល់ មន្ទីរឃុំឃាំង ក្នុងប្រទេសចិន ដោយមានអ្នកទោសប្រមាណ៥០០នាក់បានឆ្លងវីរុសនេះ។ ជាមួយគ្នានោះ គ្រូពេទ្យ គិលានុប្បដ្ឋាយិកា ដល់ទៅ៣ពាន់នាក់បានឆ្លងវីរុសកូវីដ-១៩ ក្នុងនោះមាន៨នាក់ស្លាប់។
ចំនួនអ្នកឆ្លងនៅក្នុងប្រទេសចិន ធ្លាក់ចុះ ប៉ុន្តែ ចំនួនអ្នកឆ្លងនៅក្រៅប្រទេសចិនបែជាកើនឡើងទៅវិញ ។ ប្រធានអង្គការសុខភាពពិភពលោក បានអំពាវនាវដល់បណ្តាប្រទេស បង្កើនការទប់ស្កាត់ឆ្លងរាលដាលយ៉ាងមានប្រសិទ្ធភាពបំផុត។ កន្លងមកនៅក្នុងប្រទេស ជប៉ុន និងកូរ៉េខាងត្បូង មានចំនួនអ្នកឆ្លងកើនឡើងខ្ពស់គួឲ្យបារម្ភ។
នៅកូរ៉េខាងត្បូងមានអ្នកឆ្លងថ្មីដល់ទៅ១៤២នាក់ កាលពីថ្ងៃទី២១ខែកុម្ភៈ ធ្វើឲ្យតួលេខអ្នកឆ្លងវីរុសក្នុងប្រទេសនេះកើនឡើងដល់ ៣៤៦នាក់ ។
នៅក្នុងប្រទេសអ៊ីតាលី ក៏មានករណីឆ្លងថ្មី ដល់ទៅ១៦នាក់ផងដែរ ធ្វើឲ្យចំនួនអ្នកឆ្លងកើនឡើង៣៤នាក់។ ចំណែកអ៊ីរ៉ង់ ក៏មានករណីឆ្លងថ្មី១៣នាក់ផងដែរ…៕
