សារព័ត៌មាន នគរវត្ត តែងតែនាំមុខគេជានិច្ច
ទំនាក់ទំនងអាមេរិក និងចិនឈានដល់ដំណាក់កាលថ្មី មួយទៀត ក្រៅពីវិស័យសេដ្ឋកិច្ចពាណិជ្ជកម្ម គឺវិស័យព័ត៌មាន ដោយពេលនេះ អាមេរិកសងសឹកចិនដោយបណ្តេញអ្នកសារព័ត៌មានចិន ៦០នាក់ចេញពីអាមេរិក។ក្នុងពេលដែលចិនមានករណីឆ្លងរាលដាលនៃវីរុស Covid-19 អ្នកសារព័ត៌មានអាមេរិកនៅក្នុងប្រទេសចិន បានផ្សព្វផ្សាយព័ត៌មាន លឿនខ្វះការពិត ហើយថែមទាំងផ្សាយថា ចិនលាក់បាំង ព័ត៌មាន ថាចិនជា«ជំងឺអាស៊ី»ធ្វើឲ្យចិនខឹងសម្បាយ៉ាងខ្លាំង ដោយបានសម្រេចបណ្តេញអ្នកសារព័ត៌មានអាមេរិក ៣នាក់ មកពីសារព័ត៌មាន Wall Street Journal ។
នៅពេលនេះអ្នកឆ្លងរាលដាល និងអ្នកស្លាប់នៅអាមេរិក កើនឡើងខ្ពស់ដោយសារវីរុស Covid-19 បង្កក្តីបារម្ភយ៉ាងខ្លាំង ដល់ពលរដ្ឋអាមេរិក ។ ជាមួយគ្នានោះអាមេរិកក៏បានសម្រេចបណ្តេញអ្នកសារព័ត៌មានជនជាតិចិនមកពីស្ថាប័នព័ត៌មានចំនួន៥ផ្សេងគ្នា រហូតដល់៦០នាក់ ឲ្យវិលត្រឡប់ទៅប្រទេសវិញចាប់ពីថ្ងៃទី១៣ ខែមីនា ឆ្នាំ២០២០ ។
បច្ចុប្បន្នអ្នកសារព័ត៌ចិននៅលើទឹកដីអាមេរិក មានរហូតដល់ទៅ ១៦០នាក់ ហើយអាមេរិក និងបណ្តេញចេញ៦០នាក់ នៅសល់ត្រឹមតែ១០០ប៉ុណ្ណោះ។ ប៉ុន្តែអាមេរិក មិនបានបញ្ជាក់ថា បណ្តេញចេញដោយសារតែមូលហេតុអ្វីនោះឡើយ។
ចំណែកចិនបណ្តេញអ្នកសារព័ត៌មាន ៣នាក់របស់ Wall Street Journalគឺដោយសារតែអ្នកសារព័ត៌មានទាំងនោះបានចុះផ្សាយព័ត៌មាន ប្រកាន់ជាតិសាសន៍ ដោយហៅចិនថាជា «អ្នកជំងឺអាស៊ី»។ មិនតែប៉ុណ្ណោះសារព័ត៌មាន Wall Street Journal មិនសុំទោស តាមការចង់បានរបស់ចិន ទើប រដ្ឋាភិបាលទីក្រុងប៉េកាំង សម្រេច បណ្តេញចេញ។ នោះជាហេតុផលច្បាស់លាស់ក្នុងការបណ្តេញ។ ចំណែកអាមេរិកវិញ មិនបានបង្ហាញពីហេតុផលណាមួយដែលបណ្តេញអ្នកសារព័ត៌មានចិននោះឡើយ ។សកម្មភាបខាងលើរបស់អាមេរិក គឺមានចេតនា ក្នុងការសងសឹកដល់ប្រទេសចិនជុំវិញ អ្នកព័ត៌មាន ប្រចាំនៅប្រទេសទាំងពីរ៕ ម៉ែវ សាធី
