សារព័ត៌មាន នគរវត្ត តែងតែនាំមុខគេជានិច្ច
ប្រធានសមាគមបាល់ទាត់អ៊ីតាលី លោក Damiano Tommasi បានធ្វើការស្នើសុំឲ្យលុបចោលការប្រកួតបាល់ទាត់ទាំងអស់នៅក្នុងប្រទេសអ៊ីតាលី។
លោក Damiano Tommasi បានសរសេរនៅលើបណ្ដាញ Twitter របស់ខ្លួនថា ” បញ្ឈប់បាល់ទាត់លីគទៅ ចង់បានអីទៀត! សុខភាពជាចម្បង “។
មកទល់នឹងពេលនេះ រដ្ឋាភិបាលប្រទេសអ៊ីតាលីបានបិទក្រុងមិនតិចជាង ១០ទេដើម្បីធ្វើការទប់ស្កាត់ជំងឺនេះ ដោយមិនតម្រូវឲ្យនរណាម្នាក់ចេញឬចូលទៅទីក្រុងទាំងនោះឡើយ នេះបើតាមប្រភពព័ត៌មានអ៊ីតាលីមួយចំនួន។
គួរបញ្ជាក់ថា នាពេលថ្មីៗនេះ ករណីឆ្លងជំងឺកូរ៉ូណានៅក្នុងប្រទេសអ៊ីតាលីបានកើនឡើងរហូត ទៅដល់ ៥០៦១ករណី និងមានអ្នកស្លាប់ដល់ទៅ ២៣៣នាក់នៅក្នុងប្រទេសនេះផ្ទាល់៕ដោយ៖ភារៈ
