សារព័ត៌មាន នគរវត្ត តែងតែនាំមុខគេជានិច្ច
រាល់សកម្មភាពសាធារណៈនៅអាមេរិក ត្រូវបានកាត់បន្ថយ ដោយពលរដ្ឋអាមេរិក មិនហ៊ានទៅកាន់ទីប្រជុំជនឬចូលរួមកម្មវិធីដែលមានមនុស្ស ច្រើន ដើម្បីបញ្ចៀសការឆ្លងរាលដាលនៃវីរុសផ្លូវដង្ហើម មិនទាន់មានថ្នាំព្យាបាល។
ជាមួយគ្នានេះ អតីតប្រធានាធិបតីអាមេរិក លោក Joe Biden និងលោកVermont Bernie Sanders បានសម្រេចផ្អាកយុទ្ធនាការឃោសនាបោះឆ្នោតដោយសារតែការរាលដាលនៃវីរុសផ្លូវដង្ហើមកើនឡើងខ្ពស់នៅថ្ងៃទី១១ខែមីនានេះ។
ការប្រកួតប្រជែងផ្នែកនយោបាយត្រូវបានផ្អាកដោយផ្តោតសំខាន់ទៅលើសុខភាពរបស់ពលរដ្ឋជាសំខាន់។ ការឃោសនាបោះឆ្នោត នៅក្នុងរដ្ឋចំនួន៦ទៀតត្រូវបានផ្អាក នៅថ្ងៃទី១០ ខែមីនា(ពេលវេលាអាមេរិក)។ រដ្ឋសំខាន់បំផុតសម្រាប់បេក្ខភាពទាំងពីរ គឺនៅក្នុងរដ្ឋ Michigan គឺអាចកំណត់ដំណាងឲ្យគណបក្សប្រជាធិបតេយ្យ ដើម្បីប្រជែងជាមួយប្រធានាធិបតីដូណាល់ ត្រាំ ក្នុងការបោះឆ្នោតនាថ្ងៃទី៣ ខែវិច្ឆិកា។
គណៈកម្មការរៀបចំការបោះឆ្នោតរបស់គណបក្សប្រជាធិបតេយ្យបានឲ្យដឹងថា ការឃោសនាបោះឆ្នោតនៅរដ្ឋ Arizona ត្រូវបានផ្អាកដោយសារតែ ពលរដ្ឋមិនបានចូលរួមច្រើនខ្លាំង ជំងឺឆ្លងផ្លូវដង្ហើម។
តាមការស្ទងមតិ អនុប្រធានាធិបតីអាមេរិក លោក Joe Biden នាំមុខ ដោយមានសំឡេងគាំទ្រខ្ពស់ជាង លោក Bernie Sanders ។ ប៉ុន្តែអ្វីគ្រប់យ៉ាងនឹងត្រូវសម្រេច នៅក្នុងការបោះឆ្នោតចុងក្រោយរបស់បក្សប្រជាធិបតេយ្យ ថាតើបេក្ខភាពណាមួយនឹងត្រូវដំណាងសម្រាប់ការបោះឆ្នោត នាពេលខាងមុខ៕ ម៉ែវ សាធី 
