អោយប្អូនស្រីវិកលចរិកដាំបបរទុកហូបចៃដន្យធ្វេសប្រហេសភ្លើងឆេះផ្ទះម៉ត់

ខេត្តស្វាយរៀង ៖ ផ្ទះឈើប្រក់សង្ក័សីមួយខ្នងត្រូវបានអគ្គីភ័យឆាបឆេះទាំងស្រុងខណះដែលប្អូនស្រីម្ចាស់ផ្ទះដាំបបរហើយមានការធ្វេសប្រហេសបង្កការភ្ញាក់ផ្អើលកាលពីវេលាម៉ោង៥និង៣០នាទីរសៀលថ្ងៃទី១០ ខែមីនា ឆ្នាំ២០២០ ស្ថិតនៅក្នុងភូមិថ្នា  ឃុំថ្នាធ្នង់ ស្រុករំដួល  ខេត្តស្វាយរៀង ។ 

ចំណែកផ្ទះដែលរងការឆាបឆេះមានទំហំទទឹង៤ម៉ែត្រគុណនិងបណ្ដោយ៦ម៉ែត្រសង់អំពីឈើ ដំបូល និងជញ្ជាំងសង្ក័សី (ខូចខាត៧០%) ។

តាមម្ចាស់ផ្ទះបានរៀបរាប់ទាំងទឹកភ្នែកថាមុនកើតហេតុគាត់អោយប្អូនស្រីឈ្មោះពេជ យាង ដែលមានសតិមិនគ្រប់ដាំបបរទុកហូបពេលប្រលប់ខណះគាត់ជាប់រវល់ចេញក្រៅប្រមាណជា១៥នាទីស្រាប់តែមានការភ្ញាក់ផ្អើលឃើញហុយផ្សែងចេញពីក្នុងផ្ទះទើបបង្កការភ្ញាក់ដល់អ្នកភូមិនាំគ្នាជួយពន្លត់ ប៉ុន្តែអណ្ដាតភ្លើងឆេះពេញក្រមុំខ្លាំងពេករហូតដល់គ្រប់គ្រង ស្ថានការណ៏លេងបានទើបឆេះរាលដាលទាំងស្រុងតែម្ដង។  យឹមសុថាន