សារព័ត៌មាន នគរវត្ត តែងតែនាំមុខគេជានិច្ច
អុីតាលី៖ ក្លិប Juventus បានបញ្ជាក់ថា ខ្សែការពារ Daniele Rugani ត្រូវបានធ្វើតេស្តវិជ្ជមានមេរោគកូរ៉ូណា ឬ Covid-19 បាត់ហើយ ខណៈដែលរូបគេផ្ទាល់ក៏បានថតជាមួយសមាជិកក្រុមក្រោយពេលឈ្នះក្រុមInter Milan ផងដែរ។
ក្លិបដែលមានមូលដ្ឋាននៅប្រទេសអ៊ីតាលីមួយនេះបានបញ្ជាក់ទៀតថា អ្នកដែលធ្លាប់ជិតស្និទ្ធជាមួយកីឡាករ Daniele Rugani ខាងលើនឹងត្រូវដាក់នៅដោយឡែកសិន ដើម្បីតាមដាន ខណៈដែលសាមីខ្លួនផ្ទាល់កំពុងសម្រាកនៅមន្ទីរពេទ្យ។
ក្រោយពីប្រកាសនេះហើយសហព័ន្ធបាល់ទាត់ទ្វីបអឺរ៉ុប (UEFA) ក៏អាចនឹងផ្អាកការប្រកួតរបស់ Juventus ទល់ក្រុម Lyon នៅពានរង្វាន់UEFA Champions League ផងដែរ។
សូមបញ្ជាក់ថា អ៊ីតាលីជាប្រទេសទី២ដែលមានករណីឆ្លងមេរោគ Covid-19 ខ្លាំងជាងគេបន្ទាប់ពីចិន។ ប្រទេសនេះ បានប្រកាសបិទការចេញចូលទៅហើយ និងប្រជាជនទាំងអស់ត្រូវតាមដានសុខភាពជាប្រចាំ។ ចំណែកការប្រកួតបាល់ទាត់ទាំងអស់ត្រូវបានផ្អាករហូតដល់ដើមខែមេសាហើយប្រសិនបើនៅតែមានរីករាយដាលនៃមេរោគនេះ សហព័ន្ធបាល់ទាត់អុីតាលីអាចនឹងផ្អាករយៈពេលយូរជាងនេះ ៕ ដោយ៖ភារៈ
