សារព័ត៌មាន នគរវត្ត តែងតែនាំមុខគេជានិច្ច
ទឹកនោមគោ និងលាមកគោនៅក្នុងប្រទេសឥណ្ឌាឡើងថ្លៃដោយសាកូវីដ-១៩ ។ ឥណ្ឌាមានពលរដ្ឋដល់ទៅ១,៣ពាន់លាននាក់ ភាគច្រើនកាន់សាសនាហិណ្ឌូ ដោយចាត់ទុកសត្វគោជាសត្វទេព ជាសត្វដ៏ស័គ្គសិទ្ធិ ។ មិនតែប៉ុណ្ណោះសាសនិកហិណ្ឌូបានជឿថា ទឹកនោមគោអាចព្យាបាលជំងឺគ្រប់ប្រភេទ ទាំងសន្លាក់ដៃ ជើ និងអាចការពារបានជំងឺមហារីកទឹកនោមផ្អែកទៀតផង។
នៅពេលនោះទឹកនោមគោស្រាប់តែឡើងថ្លៃ ដោយលក់ក្នុងតម្លៃ ៥០០រ៉ូប៊ី ក្នុងមួយលិត្រ ចំណែកលាមកគោ៤០០ រ៉ូប៊ីក្នុង១គីឡូក្រាម។ អ្នកចិញ្ចឹមគោនៅឥណ្ឌា ត្រូវប៉ាន់ហើយរដូវកាលកូវីដ-១៩នេះ។
ប៉ុន្តែ ក៏មានបញ្ហាមួយចំនួនកើតឡើងផងដែរក្រោយ សកម្មជនគណបក្សកាន់អំណាចឥណ្ឌា ត្រូវបានចាប់ខ្លួន ក្រោយរៀបចំពិធីផឹកទឹកនោមគោ ទប់ស្កាត់ឆ្លងកូវីដ-១៩ ដោយរងការចោទប្រកាន់ថាបានបង្ខំឲ្យសមាជិកស្ម័គចិត្តផឹកទឹកនោមគោ ទៀតផង។
សារព័ត៌មាន AFP បានផ្សាយ មន្ត្រីខាងលើបានបង្ខំឲ្យ បុគ្គលិកស្ម័គចិត្តផឹកទឹកនោមគោ ហើយធ្លាក់ខ្លួនឈឺ ក៏បានសម្រេចប្តឹងប៉ូលិសតែម្តង ។
ប្រធានសាខាគណបក្សកាន់អំណាចលោក Dilip Ghosh ឥណ្ឌា នៅក្នុងរដ្ឋ Bengal បានបញ្ជាក់ថា ការចាប់ខ្លួន លោក Naraya Chatterjeeជាសកម្មជនគណបក្សកាន់អំណាច ជារឿងមិនសមហេតុផល។ លោកបានបញ្ជាក់ថា« ឥណ្ឌាជាប្រទេសប្រជាធិបតេយ្យ មនុស្សគ្រប់រូបមានសិទ្ធ បង្ហាញពីទស្សនរបស់ខ្លួន មានជំនឿក្នុងការរៀបចំពិធីផ្សេងៗដោយមិនមានការបង្ខំឡើយ។ ប៉ុន្តែយើងមិនដឹងថា បុគ្គលិកស្ម័គចិត្តនោះត្រូវបង្ខំឲ្យផឹកឬយ៉ាងណានោះឡើយ។
កាលពីដើមខែមីនានេះ មេដឹកនាំរដ្ឋ Assam បាននិយាយទៅកាន់តំណាងរាស្ត្រថា លាមកគោឬទឹកនោះគោអាចការពារជំងឺកូវីដ-១៩។ កាលពីសប្តាហ៍កន្លងមក សាសនិកហិណ្ឌូបាននាំគ្នាធ្វើពិធីជប់លៀង នៅរដ្ឋធានីញូវដេលី ដោយមានពិធីផឹកទឹកនោមគោផងដែរ៕
