សារព័ត៌មាន នគរវត្ត តែងតែនាំមុខគេជានិច្ច
ប្រធានក្លិប Barcelona លោក Josep Bartomeu បានលើកការប្រជុំបន្ទាន់មួយ កាលពីពេលថ្មីៗនិយាយពី ដំណោះស្រាយនានាជុំវិញរឿងរ៉ាវវីរុស ក្នុងនោះក៏បានលើកឡើងពីប្រាក់ឈ្នួលពលកម្មរបស់បុគ្គលិកក្លឹប។ រវាងថ្នាក់ដឹកនាំ និងកីឡាករឈុតធំ ទាំងអស់ក៏បានយល់ព្រមទៅលើសំណើរកាត់ប្រាក់ខែរបស់ខ្លួនផងដែរ អំឡុងផ្ទុះវីរុសកូរ៉ូណាខ្លាំងឡើងនៅអេស្ប៉ាញ។
កីឡាករទាំងអស់នៅក្លិប Barcelona បានសម្រេចចិត្តបរិច្ចាគថវិកាផ្ទាល់ខ្លួន ឬអនុវត្តតាមការស្នើររបស់ប្រធានក្លិបនីមួយៗដើម្បីរួមចំណែកប្រយុទ្ធប្រឆាំងនឹងវិបតិ្តមួយនេះ។ យ៉ាងណា ចំនួនជាក់លាក់មិនត្រូវបានបង្ហាញឲ្យដឹងនោះទេ។
ចំណែកក្លិបបាល់ទាត់ខ្លះ នៅតែបន្តបើកប្រាក់ថ្លៃពលកម្មបុគ្គលិក និងកីឡាករទាំងអស់ដូចមុនដដែល ទោះជាសកម្មភាពបាល់ទាត់ បានផ្អាក។ លើសនេះទៀត ក្លិបទាំងអស់ ក៏កំពុងតែមានបញ្ហាចំណូលផងដែរ។
ក្លិប Barcelona ត្រូវប្រធានក្លិប បញ្ជាក់ថា កញ្ចប់ទឹកប្រាក់ ១ ប៊ីលានដុល្លារសម្រាប់ជាគម្រោងត្រៀមទប់ទល់នឹងវិបតិ្តប្រឆាំងនឹងវីរុសកូរ៉ូណា ដែលថវិកាមួយចំនួនក៏បានមកពីកីឡាករជាអ្នក បរិច្ចាគផងដែរ ៕ ដោយ៖ ភារៈ
