សារព័ត៌មាន នគរវត្ត តែងតែនាំមុខគេជានិច្ច
ខេត្តឧត្ដរមានជ័យ ៖ បុរស២នាក់ឈ្លោះប្រកែកគ្នាអត់ទ្រាំលែងបានទាញដំបងឈើ សំពងចំក្បាលរងរបួសធ្ងន់ បណ្ដាលហូរឈាមតាមត្រចៀក។ហេតុការណ៍បានកើតឡើងនៅ ថ្ងៃទី២៦ ខែមីនា ឆ្នាំ២០២០ នៅវេលាម៉ោង២១ និង៣០ នាទី នៅភូមិទួលស្វាយ ឃុំត្រពាំងតាវ ស្រុកអន្លង់វែង ខេត្តឧត្ដរមានជ័យ។
សមត្ថកិច្ចបានអោយដឹងថា បង្កឡើង ដោយជនសង្ស័យឈ្មោះ ប៊ីន ផានិត ភេទប្រុស អាយុ២១ ឆ្នាំ រស់នៅភូមិទួលស្វាយ ឃុំត្រពាំតាវ ស្រុកអន្លង់វែងខេត្តឧតុដរមានជ័យ។
សមត្ថកិច្ចបានអោយដឹងថាជនសង្ស័យខាងលើ បានយកដំបងឈើ វាយទៅជនរងគ្រោះ ឈ្មោះ ពុំ ជា ភេទប្រុស អាយុ៣៥ ឆ្នាំ រស់នៅភូមិឃុំជាមួយគ្នា បណ្តាលឲ្យត្រូវក្បាលផ្នែកខាងឆ្វេង ១ ដំបូង រងរបួសធ្ងន់ហូរឈាមតាមត្រចៀក
បច្ចុប្បន្នកំពុងព្យាបាលនៅមន្ទីពេទ្យបង្អែកអន្លង់វែង ។
ករណីនេះ អធិការនគរបាលស្រុក បានទទួលបណ្តឹងពីជនរងគ្រោះថ្ងៃទី២៧ ខែមីនា ឆ្នាំ២០២០ វេលាម៉ោង០៨ -០០ នាទីព្រឹក រួចចាត់តាំងកម្លាំងជំនាញ និងប៉ុស្តិ៍រដ្ឋបាល ចុះស្រាវជ្រាវឃាត់ខ្លួនជនសង្ស័យបាន នៅវេលាម៉ោង ១២- ០០ នាទីថ្ងៃ យកមកកាន់អធិការដ្ឋាននគរបាលស្រុក បច្ចុប្បន្នកំពុងសាកសួរ និងកសាងសុំណុំរឿងបញ្ជូនទៅកាន់ស្នងការដ្ឋាននគរបាលខេត្ត
ចាត់ការបន្តតាមនិតិវិធីច្បាប់ ។ ប៉ែន នួន
