សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាមបានដឹកនាំកម្លាំងចេញប្រតិបត្តិការដោយផ្ទាល់ និងបញ្ជាអោយចេញរថយន្តអគ្គិភ័យរបស់ខេត្ត និងតាមបណ្ដាស្រុកសរុបចំនួន១១គ្រឿងចេញប្រតិបត្តិជាបន្ទាន់ ដោយមានការដឹកនាំមកពីសំណាក់លោកអធិការ-អធិការរង ដោយផ្ទាល់ និងត្រូវប្រើប្រាស់ទឹកអស់ ចំនួន៣១សឺទែន និងប្រើប្រាស់កម្លាំងអន្តរាគមន៍វេនប្រចាំបញ្ជា របស់ស្នងការដ្ឋាននគរបាលខេត្ត, កម្លាំងផែនសណ្ដាប់ធ្នាប់, អគ្គិភ័យ, កម្លាំងរបស់អធិការដ្ឋាននគរបាលស្រុកកំពង់សៀម សរុបរួម ១៥០នាក់។
ករណីអគ្គិភ័យឆាបឆេះរោងចក្រក្ដារបន្ទះខាងលេីកេីតឡេីង កាលពីវេលាម៉ោង២២៖១០នាទីយប់ ថ្ងៃទី៣០ ខែមីនា ឆ្នាំ២០២០ នៅចំណុច ជិតជើងភ្នំស្រី ភ្នំប្រុស ស្ថិតក្នុងភូមិស្រឡៅ ឃុំអំពិល ស្រុកកំពង់សៀម ខេត្តកំពង់ចាម។
បងប្អូនអ្នកបម្រើការងារក្នុងរោងចក្រ បានឲ្យដឹងថា ដើមហេតុ នៃអគ្គិភ័យ គឺបណ្ដាលមកពីឆ្លងចរន្តអគ្គិសនី ត្រង់ចំណុចកន្លែង ផលិតពូក ផ្នែកកណ្ដាល នៃផ្ទៃរោងចក្រ ចំពោះទំហំ នៃការខូចខាតសមត្ថកិច្ចជំនាញ កំពុងធ្វើការសិក្សា វាយតម្លៃ។
ក្រោយពេលបញ្ចប់កិច្ចប្រតិបត្តិការ លោកឧត្ដមសេនីយ៍ស្នងការ បានឧបត្ថម្ភ នូវថវិកា ទឹកសុទ្ធ និងអាហារដល់កងកម្លាំងទាំងអស់ ដែលបានខិតខំប្រឹងបំពេញភារកិច្ច ក្នុងហេតុការណ៍ខាងលើនេះ សរុបជាថវិកា ចំនួន៤,៥០០,០០០រៀល។
សមត្ថកិច្ចបញ្ជាក់ថា អគ្គិភ័យនេះកម្លាំងគ្រប់គ្រងទាំងស្រុងដោយបានទប់ស្កាត់ មិនបណ្ដាលឲ្យឆាបឆេះរាលដាលបន្ត នៅវេលាម៉ោង ១:៣៥នាទីយប់ ដែល ១១ប្រតិបត្តិការនេះ ចំណាយអស់រយ:ពេល ជាង៣ម៉ោង ៕ ដោយ ៖ វណ្ណៈ
