សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រដ្ឋមន្រ្តីក្រសួងសុខាភិបាល លោកសាស្រ្តាចារ្យ ម៉ម ប៊ុនហេង សូមសំដែងនូវការកោតសរសើរ និងថ្លែងអំណរគុណយ៉ាងជ្រាលជ្រៅជាទីបំផុត ជូនដល់លោក លោកស្រីប្រធានមន្ទីរសុខាភិបាលរាជធានី-ខេត្ត ទាំងអស់ លោក លោកស្រីប្រធានមន្ទីរពេទ្យជាតិទាំងអស់ ជាពិសេសដល់ក្រុមគ្រូពេទ្យ និងបុគ្គលិកសុខាភិបាល នៅទូទាំងប្រទេស ដែលជាអ្នកប្រយុទ្ធជួរមុខទាំងអស់ ដែលបានលះបង់ទាំងកំលាំងកាយ កំលាំងចិត្ត និងប្រាជ្ញា មានឆន្ទ:មុះមុតបំពេញភារកិច្ច ការពារការរីករាលដាល និង ថែទាំព្យាបាលអ្នកជំងឺកូវីដ១៩នៅកម្ពុជា យ៉ាងមានប្រសិទ្ធិភាពខ្ពស់។
សេចក្តីថ្លែងអណរគុណរបស់លោក សាស្ត្រាចារ្យរដ្ឋមន្ត្រីក្រសួងសុខាភិបាល ជូនដល់ក្រុមគ្រូពេទ្យជួរមុខ ដែលប្រយុទ្ធនឹងវីរុសកូវីដ១៩៖
លោក សាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខាភិបាល បានថ្លែងថា៖ លោក សូមសំដែងនូវការកោតសរសើរ និងថ្លែងអំណរគុណយ៉ាងជ្រាលជ្រៅជាទីបំផុត ជូនដល់លោក លោកស្រីប្រធានមន្ទីរសុខាភិបាលរាជធានី-ខេត្ត ទាំងអស់ លោក លោកស្រីប្រធានមន្ទីរពេទ្យជាតិទាំងអស់ ជាពិសេសដល់ក្រុមគ្រូពេទ្យ និងបុគ្គលិកសុខាភិបាល នៅទូទាំងប្រទេស ដែលជាអ្នកប្រយុទ្ធជួរមុខទាំងអស់ ដែលបានលះបង់ទាំងកំលាំងកាយ កំលាំងចិត្ត និងប្រាជ្ញា មានឆន្ទ:មុះមុតបំពេញភារកិច្ច ការពារការរីករាលដាល និង ថែទាំព្យាបាលអ្នកជំងឺកូវីដ១៩នៅកម្ពុជា យ៉ាងមានប្រសិទ្ធិភាពខ្ពស់។
លោក សាស្រ្តាចារ្យរដ្ឋមន្ត្រី សូមថ្លែងអំណរគុណចំពោះអាជ្ញាធរមូលដ្ឋានថ្នាក់ក្រោមជាតិ និងផ្នែកពាក់ពន្ធ័ជាតិ និងអន្តរជាតិទាំងអស់ ព្រមទាំងក្រុមគ្រូពេទ្យស្ម័គ្រចិត្តធីតារបស់សម្តេចតេជោ អ្នកស្ម័គចិត្តកាកបាទក្រហមកម្ពុជា សិល្បករ សិល្បការិនី អ្នកសារព័ត៌មាន និងប្រពន្ធ័ផ្សព្វផ្សាយព៌តមានទាំងអស់ ដែលបានរួមសហការគ្នាប្រកបដោយស្មារតីទទួលខុសត្រូវ ក្នុងការប្រតិបត្តិ នូវគោលនយោបាយរបស់រាជរដ្ឋាភិបាល ក្រោមការដឹកនាំដ៏ឆ្លៀសវៃ និងប្រកបដោយកតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
សូមក្រុមគ្រូពេទ្យ មន្រ្តី បុគ្គលិកសុខាភិបាល ព្រមទាំងអ្នកពាក់ពន្ធ័ទាំងអស់ និងប្រជាពលរដ្ឋគ្រប់ៗគ្នា បន្តខិតខំប្រឹងប្រែងបន្ថែមទៀត ជាមួយក្រសួងសុខាភិបាល ក្នុងការអនុវត្តតាមគោលនយោបាយនិងការណែនាំប្រតិបត្តិរបស់រាជរដ្ឋាភិបាល។
លោករដ្ឋមន្ត្រីសូមជូនពរ សុខភាពល្អ និង ជ័យជំនះ លើការប្រយុទ្ធនឹងការរីករាលដាលនៃវីរុស COVID 19 នៅកម្ពុជា។
ព័ត៌មានទាំងនេះទទួលបានពីលោកស្រី វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលនៃព្រះរាជាណាចក្រកម្ពុជា៕ សហការី
