សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ៖ បុរសម្នាក់ត្រូវខ្សែភ្លើងឆក់បណ្តាលឲ្យស្លាប់ ភ្លាមៗនៅនឹងកន្លែងខណៈដោតឌូយខ្សែម៉ូទ័របូមទឹកដាក់អាងហើយប៉ះនឹងខ្សែភ្លើងដាច់រលាត់គ្មានតំណ ។
ហេតុការណ៍នេះបង្កការភ្ញាក់ផ្អើលកាលពី វេលាម៉ោង១និង៥៦នាទីរសៀល ថ្ងៃសុក្រ ១១កើត ខែចេត្រ ឆ្នាំកុរ ព.ស. ២៥៦៣ ត្រូវនឹង ថ្ងៃទី៣ ខែមេសា ឆ្នាំ ២០២០ ស្ថិតនៅ ភូមិស្វាយអៀ ឃុំចំណារក្រោម ស្រុកស្ទោង ខេត្តកំពង់ធំ។
មន្រ្តីនគរបាលប៉ុស្តិ៍រដ្ឋបាលចំណារក្រោម បានឲ្យដឹងថា ជនរងគ្រោះឈ្មោះ នឹង ភិន ភេទប្រុស អាយុ២៩ឆ្នាំ មុខរបរ កសិករ មានទីលំនៅ កន្លែងកើតហេតុខាងលើ ។
សាក្សីបានព្រាប់សមត្ថកិច្ចថា មុនពេលកើតហេតុ ជនរងគ្រោះបានដោតឌូយខ្សែភ្លើងម៉ូទ័រដើម្បីបូមទឹកដាក់អាងទុកប្រើប្រាស់ចៃដន្យយកដៃកាន់ប៉ះនឹងខ្សែភ្លើងដាច់រលាត់គ្មានតំណ បណ្តាលឲ្យឆ្លងចរន្តឆក់ស្លាប់ភ្លាមមួយរំពេច
ក្រោយកើតហេតុសមត្ថកិច្ចជំនាញរបស់អធិការដ្ឋាននគរបាលស្រុកស្ទោងបានចុះទៅពិនិត្យនិងធ្វកោសលវិច័យរួចសន្និដ្ឋានថា ជនរងគ្រោះពិតជាស្លាប់ដោយចរន្តអគ្គិសនីឆក់ស្លាប់ប្រាកដមែនទើប ប្រគល់សពឲ្យសាច់ញាតិយកទៅធ្វើបុណ្យតាមប្រពៃណី៕ សហការី
