សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី០៥ ខែមេសា ឆ្នាំ២០២០ វេលាម៉ោង១៣:៣០នាទី ដោយមានការសហការរបស់នាយកដ្ឋានប្រឆាំងបទល្មេីសបច្ចេកវិទ្យា ការរិយាល័យប្រឆាំងបទល្មេីសបច្ចេកវិទ្យា និងកម្លាំងប៉ុស្តិ៍បឹងព្រលិតនៃអធិការដ្ឋាននគរបាលខណ្ឌ៧មករា បានធ្វើការនាំខ្លួនឈ្មោះ សេង ឌី ភេទប្រុស អាយុ២៩ឆ្នាំ ជនជាតិខ្មែរ ជាម្ចាស់ផេកឈ្មោះ “អូខេ បោះដុំគ្រឿងក្មេងលេង” ដែលបានផុសព័ត៌មានមិនពិត (លក់វ៉ែនតាការពារវីរុសកូវីដ១៩) ដែលមានទីលំនៅបច្ចុប្បន្នផ្ទះលេខ ១៩០៩ ផ្លូវជាតិលេខ៥ ភូមិក សង្កាត់ច្រាំងចំរេះ ខណ្ឌឬស្សីកែវ រាជធានីភ្នំពេញ ។
បន្ទាប់ពីបានសារភាពកំហុសរួច សមត្ថកិច្ចបានធ្វេីការណែនាំអប់រំ និងធ្វេីកិច្ចសន្យារួច នៅវេលាម៉ោង ១៦:០០នាទី សមត្ថកិច្ចក៏បានអនុញ្ញាតឲ្យត្រឡប់ទៅលំនៅឋានវិញ។ដោយ៖ ស រស្មី
