សមត្តិកិច្ចស្រុកព្រៃនប់ឃាត់ខ្លួនបុរសម្នាក់បានសរសេរនិងបង្ហោះរូបភាពតាមបណ្ដាញសង្គមដោយយកជើងជាន់លើក្រដាសប្រាក់រៀល

ខេត្តព្រះសីហនុ៖ នគរបាលស្រុកព្រៃនប់បានអោយដឹងថា បុរសម្នាក់ដែលបានសរសេរ និងបង្ហោះរូបភាពតាមបណ្តាញសង្គម ដោយយកជើងជាន់លើប្រាក់រៀល និងសរសេរជាខ្លឹមសារថា«ខ្ញុំចង់និយាយថាចុះបើខ្ញុំធ្វើបែបនេះ តើមានអ្នកណាហ៊ានធ្វើអីខ្ញុំ» ត្រូវបាន នគរបាលមូលដ្ឋានចាប់ឃាត់ខ្លួនហើយ នៅល្ងាចថ្ងៃទី០៦.០៤.២០២០ ។ ជនជាប់ចោទម្នាក់នេះឈ្មោះ អាត់ អេង ហៅ អាត់ សំអង ឬ សេន អាត  ភេទ ប្រុស អាយុ ៣៦ ឆ្នាំ មានទីលំនៅភូមិទួល ឃុំទឹកល្អក់ ស្រុកព្រៃនប់ ខេត្ត​ព្រះសីហ​នុ  ការចាប់ខ្លួននេះ អនុវត្តន៍ តាមដីកាបញ្ជាឲ្យចូលខ្លួនរបស់សាលាដំបូងខេត្តសៀមរាបមួយច្បាប់លេខ ៩៦/២០២០ ចុះថ្ងៃទី៣០ ខែមីនា ឆ្នាំ២០២០ ដែលចុះហត្ថលេខាដោយលោក កើត វណ្ណារ៉េត ព្រះរាជាអាជ្ញាអមសាលាដំបូងខេត្តសៀមរាប  ឲ្យចូលខ្លួនទៅការិយាល័យប្រឆាំងភេរវកម្ម និងឧក្រិដ្ឋកម្មឆ្លងដែននៃស្នងការដ្ឋាននគរបាលខេត្តសៀមរាប ។

បច្ចុប្បន្នមុខសញ្ញាជនជាប់ចោទបានបញ្ជូនទៅស្នងការដ្ឋាននគរបាលខេត្តព្រះសីហនុចាត់ការបន្ត៕ ដោយ៖ឆ្លាម សមុទ្រ