សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យម្នាក់បន្ទាប់ពីធ្វើសកម្មភាព(គាស់ទ្វារឃ្លាំងលួចយកផលិតផលមួយចំនួន)ហើយរត់គេចខ្លួនបាន១ថ្ងៃក៏ត្រូវបានសមត្ថកិច្ចនគរបាលខណ្ឌឬស្សីកែវឃាត់ខ្លួន បន្ទាប់ពីទទួលបណ្តឹងពីជនរងគ្រោះ កាលពីម៉ោង១៣:៣០នាទីរសៀល ថ្ងៃទី០៥ខែមេសាឆ្នាំ២០២០ នៅចំណុចឃ្លាំងលេខ២២៣J ផ្លូវ៥៩៨ ក្រុមទី៦ ភូមិគង្គាផុស សង្កាត់ទួលសង្កែងទី២ ខណ្ឌឫស្សីកែវ រាជធានីភ្នំពេញ។
លោកហ៊ាង ថារ៉េត អធិការនគរបាលខណ្ឌឬស្សីកែវ បានឲ្យដឹងថា -ជនសង្សយ័ឈ្មោះ តូប ស្មាអែល ភេទប្រុស អាយុ៣៧ឆ្នាំ មុខរបរគ្មាន ស្នាក់នៅបន្ទប់ជួលលេខ២ខ ផ្លូវបេតុង ក្រុមទី៦ ភូមិគង្គាផុស សង្កាត់ទួលសង្កែទី២ ខណ្ឌឫស្សីកែវ (មានសារធាតុញៀន)។
-ជនរងគ្រោះឈ្មោះ រ៉ន សុភាព ភេទប្រុស អាយុ៣៩ឆ្នាំ មុខរបរអ្នកគ្រប់គ្រងនៅឃ្លាំង ស្នាក់នៅផ្ទះលេខ៣៥ ភូមិស្ពានខ្ពស់ សង្កាត់គីឡូម៉ែត្រលេខ៦ ខណ្ឌឬស្សីកែវ ។
-សំភារះដកហូតរួមមាន៖
១/-ដុំស៊ុបខ្នុរ ៩កេស
២/-ច្រាស់ដុសធ្មេញ១០កេស
៣/-សាប៊ូកក់សក់១,៥កេស
លោក អធិការនគរបាលខណ្ឌឬស្សីកែវបានឲ្យដឹងទៀតថា
-នៅថ្ងៃខែឆ្នាំខាងលេីមានករណីមានជនសង្ស័យមួយក្រុមបានធ្វេីសកម្មភាពគាស់ទ្វាឃ្លាំងយកសំភារះខាងលេី រួចក៏បានជនរងគ្រោះមកដាក់ពាក្យបណ្តឹង បន្ទាប់ពីទទួលបណ្តឹងកំលាំងជំនាញខណ្ឌប៉ុស្តិ៍បានចុះមកដល់កន្លែងកេីតហេតុនិងធ្វេីការស្រាវជ្រាវ រហូតមកដល់ថ្ងៃទី០៧ខែមេសាឆ្នាំ២០២០ម៉ោង១០:៣០នាទីព្រឹក កំលាំងយេីងបានឃាត់ខ្លួនជនសង្ស័យម្នាក់ខាងលេីរួមទាំងសំភារះវត្ថុតាងនៅចំណុចបន្ទប់ជួលរបស់ជនសង្ស័យស្នាក់នៅខាងលេី។
-ចំពោះមុខអធិការដ្ធានបន្តស្រាវជ្រាវរកបក្ខពួកបន្ថែមនិងកសាងសំណុំរឿងបញ្ជូនតាមនីតិវិធី។
បន្ទាប់ពីឃាត់ខ្លួនជនសង្ស័យត្រូវបានកម្លាំងជំនាញបញ្ជូនទៅកាន់អធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿងបញ្ជូនទៅតុលាការចាត់ការបន្តតាមនិតិវិធី៕ស រស្មី
