សារព័ត៌មាន នគរវត្ត តែងតែនាំមុខគេជានិច្ច
អុីតាលី៖ កីឡាករល្បី រួមបញ្ចូលទាំងកីឡាករ ខ្សែប្រយុទ្ធLukaku, Sanchez និងកីឡាករSmallingផង បានសម្រេចចិត្តរួមគ្នា ក្នុងការបរិច្ចាគ មិនយកប្រាក់កម្រៃរបស់ខ្លួន រហូតទៅដល់៤ខែ ដើម្បីប្រគល់ជូនទៅដល់ក្រុមការងារ ប្រយុទ្ធប្រឆាំង វិរុសកូរ៉ូណាជំនួសវិញ។ នេះបើយោងតាមកាសែតអង់គ្លេស The Sunsports ចេញផ្សាយនៅថ្ងៃពុធ។
លីកកំពូល អុីតាលី បានផ្អាកតាំងតែ ពីខែមិនាមកម្ល៉េះ ហើយបូករួម ទាំងកម្មវិធីកីឡាធំៗជាច្រើនទៀត ក៏ត្រូវបានលប់ចោលផងដែរ និងអាចធ្វើឡើងវិញបានលុះត្រាណា តែស្ថានភាពល្អប្រសើរឡើងវិញ ។ស្ថានភាពបច្ចុប្បន្នអុីតាលី កំពុងឈរស្ថិតនៅក្នុងកម្រិតអាក្រក់បំផុតបន្ទាប់ពីអាមេរិកនិងចិន ដែលមានករណីឆ្លង និងបាត់បង់ជីវិតច្រើនបំផុត។
សូមជម្រាបថា នៅលីកកំពូលអង់គ្លេស ការកាត់បន្ថយប្រាក់កម្រៃកីឡាករត្រឹមតែ៣០ភាគរយ កំពុងមានភាពចម្រូងចម្រាស ដោយសារតែកីឡាករជាច្រើន មិនមានទំនុកចិត្តទេថា តើលុយនោះ នឹងបានទៅដល់ក្រុមការងារប្រយុទ្ធ នឹងវិរុសកូរ៉ូណា។ ប៉ុន្តែតាមការបញ្ជាក់ ពីសំណាក់ប្រធានគណកម្មការ បាល់ទាត់អង់គ្លេសបានអះអាងថា លុយសរុបពី៣០ភាគរយ ដែលបានកាត់បន្ថយមានចំនួន ប្រមាណជា៥០០លានផោន និងប្រាក់ចំណែកទៅក្នុងការងារ ពន្ធប្រមាណជា២០០លានផោន នឹងត្រូវប្រគល់ជូនរដ្ឋាភិបាល ដើម្បីបែងចែក៕ដោយ៖ភារៈ
