សារព័ត៌មាន នគរវត្ត តែងតែនាំមុខគេជានិច្ច
លីកនៅអង់គ្លេស ពិសេសលីកទី២ លីគទី៣ និងលីកទី៤ នឹងចាប់ផ្ដើមសារជាថ្មី នៅខែមិថុនា ខាងមុខ ។ នេះបើតាមការប្រកាសរបស់ប្រធានលីកបាល់ទាត់អង់គ្លេស EFL ដែលចុះផ្សាយក្នុងសារព័ត៌មាន Daily Mail កាលពីថ្ងៃទីអង្គារ។
សេចក្តីប្រកាសបានឲ្យដឹងថា ការប្រកួតនឹងត្រូវលេង ដោយកីឡាដ្ឋានបិទទ្វា ហើយកីឡាករអាចនឹងមិនមានពេល ដើម្បីសម្រាកទេ ដោយ EFL គ្រោងនឹងប្រើប្រាស់តែ ៥៦ថ្ងៃ ក្នុងការបញ្ចប់ការប្រកួត ដែលនៅសេសសល់។ លើសពីនេះទៀត EFL មិនអនុញ្ញាតឲ្យក្លឹបធ្វើការហ្វឹកហាត់ឡើយ នៅមុនថ្ងៃទី១៦ ខែឧសភា ឆ្នាំ២០២០។
ការចេញសេចក្តីប្រកាសនេះមិនមានឥទ្ធិពលលើលីកកំពូលអង់គ្លេសPremier League ទេ ដោយសារតែស្ថាប័នទាំង២នេះបានចែកផ្លូវគ្នា កាលពីឆ្នាំ១៩៩២។ ដូច្នេះហើយរាល់ការសម្រេចរបស់Premier League មិនត្រូវការអនុម័តពី EFL នោះទេ ៕ ដោយ៖ភារៈ
