កម្មករទូកនេសាទម្នាក់បានធ្លាក់ពីលើទូកចូលក្នុងទឹកសមុទ្រលង់ស្លាប់

ខេត្តព្រះសីហនុ៖ កម្មករទូកនេសាទម្នាក់ ត្រូវបានម្ចាស់ទូករាយការណ៍ប្រាប់សមត្ថកិច្ចថា បានធ្លាក់ទឹកសមុទ្រហើយស្លាប់ នៅវេលាថ្ងៃត្រង់ថ្ងៃទី១០ ខែ មេសា ឆ្នាំ២០២០នេះ  សមត្ថកិច្ចក៍បានចុះពិនិត្យកោសល្យវិច្ចយ័  ជាមួយការបញ្ជាក់ថាជនរងគ្រោះពិតជាស្លាប់ដោយលង់ទឹកពេលធ្លាក់ចេញពីទូកនេសាទប្រាកដមែន។

ម្ចាស់ទូកឈ្មោះ ហេង ថៃ ភេទ ប្រុស អាយុ ៤៨ឆ្នាំ មុខរបរនេសាទ ទីលំនៅភូមិ២ ឃុំទំនប់រលក ស្រុកស្ទឹងហាវ ខេត្តព្រះសីហនុ ចំណែកកម្មករនេសាទដែលជាជនរងគ្រោះឈ្មោះ រីម វណ្ណៈ ភេទប្រុស អាយុ៥៣ឆ្នាំ ស្នាក់នៅបណ្ដោះអាសន្នជាមួយម្ចាស់ទូក (មានស្រុកកំណើត ក្រុងកំពត ខេត្តកំពត ) ។ បើតាមម្ចាស់ទូកប្រាប់សមត្ថកិច្ចថា ជនរងគ្រោះធ្លាក់ចេញពីទូក ពេលមេឃមានភ្លៀង ខ្យល់និងរលកធំៗលើសមុទ្រ បច្ចុប្បន្នសាកសព បានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី។ ឆ្លាម សមុទ្រ