សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ទីតាំងអិនធើណេត មួយកន្លែង និង ហ្គេមបាញ់ត្រី មួយកន្លែង បង្កប់ល្បែងសុីងសងត្រូវ កម្លាំង គណៈបញ្ជាការឯកភាពខណ្ឌចំកាមន ដឹកនាំបញ្ជាផ្ទាល់ ដោយ លោក ថេង សុថុល អភិបាល ខណ្ឌចំកាមនចុះបង្ក្រាបនិងដកហូតបានម៉ាសុីនល្បែងសុីងសង ជាច្រើនរួមនិងម៉ូតូអ្នកលេងនិងមនុស្ស១៤នាក់និងបុរស២នាក់មានថ្នាំញៀនចំនួន២បញ្ចប់តូចនៅខ្លួនផងដែរ កាលវេលាម៉ោង៤ល្ងាច ថ្ងៃទី១១ ខែ មេសា ឆ្នាំ ២០២០នៅចំណុចគល់ស្ពានកោះពេជ្រ ផ្លូវសុធារស សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនសង្ស័យដែលមានថ្នាំញៀនជាប់នឹងខ្លួន
ទី១ ឈ្មោះ ស្រី ពិនរ៉ា ហៅកាក់ ភេទប្រុស អាយុ២៧ឆ្នាំ មុខរបរមិនពិតប្រាកដ មានទីលំនៅផ្ទះលេខ២១៥ ផ្លូវនណតម សង្កាត់ទន្លេបាសាក់ ខណ្ឌចំការមន ធានីភ្នំពេញ (ប្រេីប្រាស់សារធាតុញៀន)។
ជនសង្ស័យទី២ ឈ្មោះ ហ៊ុយ វ៉ាន់គីម ភេទប្រុស អាយុ២១ឆ្នាំ មុខរបរមិនពិតប្រាកដ មានទីលំនៅផ្ទះនៅកៀនស្វាយ ខេត្តកណ្ដាល (ប្រេីប្រាស់សារធាតុញៀន)។
បើតាមប្រភពព័ត៌មាន បានប្រាប់ឲ្យដឹងថា ដោយនៅក្នុងប្រតិបត្តិការណ៍នេះ គឺគណៈបញ្ជាការឯកភាពខណ្ឌ បានចុះមកត្រួតពិនិត្យមេីលនៅទីតាំងខាងលេីនិងបានចុះនែនាំអោយ ទីតាំងអិនធើណេត អោយបិទទាំងអស់ ស្រាប់តែបានប្រទះឃេីញ បុរស២នាក់មានថ្នាំញៀនចំនួន២បញ្ចប់តូចនៅខ្លួនផងដែរ រួមនិង ប្រភេទម៉ាស៉ីនល្បែងសុីសងជាច្រើនគ្រឿង ដែលជាប្រភេទល្បែងស៉ីសងខុសច្បាប់ ដែលត្រូវបានអាជ្ញាធរហាមឃាត់។
គួរបញ្ជាក់ថា ទីតាំងខាងលេីនេះ មានច្បាប់អនុញ្ញាតប្រកបអាជីវកម្មត្រឹមត្រូវ តែបានលួចលាក់បើកដាក់នូវប្រភេទ ម៉ាសុីនល្បែងសុីងសង ជាច្រើន ទើបបង្ក្រាបចាប់យក រួមនិងម៉ូតូអ្នកលេងនិងមនុស្ស១៤នាក់ ហើយបុរស២នាក់មានថ្នាំញៀនចំនួន២បញ្ចប់តូចនៅខ្លួនផងដែរ ត្រូវបានអាជ្ញាធរខណ្ឌ ដកហូតយកទៅរក្សាទុកនៅសាលាខណ្ឌចំការមន ដើម្បីរង់ចាំធ្វើការ ចាត់ការបន្តតាមនីតិវិធី៕ ស រស្មី
