សារព័ត៌មាន នគរវត្ត តែងតែនាំមុខគេជានិច្ច
ប្រទេសអង់គ្លេស៖ វិរៈបុរសរបស់ក្លិបបិសាចក្រហម លោកPaul Scholes បាននិយាយទាំងជឿជាក់ថា Bruno Fernandes នឹងពិតជាមានអនាគត់ល្អបំផុតនៅ Old Trafford នេះប៉ុន្តែលោកបានបញ្ជាក់ថា ក្លិបនៅតែត្រូវការកីឡាករចំណូលថ្មី យ៉ាងហោចណាស់៤នាក់ទៀត ដើម្បីប្រជែងជាមួយ នឹងក្លិបជើងឯកបាន ដោយគាត់បានបង្ហាញពីភាពជឿរជាក់លើសមត្ថភាពរបស់កីឡាករចំណូលថ្មីរូបនេះ ។
លោក Paul Scholes ចង់ឲ្យ Man United ទិញបន្ថែមកីឡាករថ្មីចំនួន៤នាក់ទៀត ដើម្បីអាចមានលទ្ធភាពក្នុងការប្រកួតប្រជែងជាមួយនឹង Liverpool ឬ Man City បាននៅរដូវកាលក្រោយបើទោះបីជាបច្ចុប្បន្នមានវត្តមានរបស់ Bruno Fernandes ទៅហើយក្តីដែលទើបតែបានទិញបាន កាលពីខែមករាកន្លងមកនោះ។
បច្ចុប្បន្ន Man United មាន៣៧ពិន្ទុតាមពីក្រោយ Liverpool ជាគម្លាតដ៏ឆ្ងាយមួយមិនធ្លាប់មាន ក្នុងប្រវត្តិសាស្ត្ររបស់ក្លិបហើយនិងមាន៣ពិន្ទុ តាមពីក្រោយក្រុមលេខរៀងទី៤បច្ចុប្បន្នតោខៀវ Chelsea ទៀតផងដែលវាបានកំពុងធ្វើឲ្យ ឧិកាសក្នុងការមានសិទ្ធលេងនៅ Champion League នៅមានតិចនៅឡើយ៕ដោយ៖ ភារៈ
