សារព័ត៌មាន នគរវត្ត តែងតែនាំមុខគេជានិច្ច
ក្លិបយក្សអេស្បាញ Real Madrid បានដាក់ជាសំណើរផ្លូវការមួយ ហើយក្នុងការសុំចចារទិញកីឡាករខ្សែប្រយុទ្ធ Aubameyang ពីក្លិប Arsenal ដែលមានគូប្រជែងក្លិប Barcelona ក្នុងប្រទេសអេស្ប៉ាញតែមួយដែរក៏ចង់បានកីឡាកររូបនេះដូចគ្នា។
គិតចាប់តាំងតែពីបានលក់កីឡាករ Cristiano Ronaldoទៅឲ្យ Juventus កាលពីឆ្នាំ២០១៨ ក្លិប Real Madrid នៅតែមានផែនការក្នុងការបន្ថែមកម្លាំងប្រយុទ្ធរបស់ខ្លួនដដែល ដោយមកដល់ពេលនេះក្លិប នៅមិនទាន់មានកីឡាករណា សម្រាប់ជំនួសតំណែងប្រយុទ្ធ របស់កីឡាករប៉ទុយហ្គាល់រូបនេះឡើយ។
ខ្សែបម្រើប្រយុទ្ធ Hazard ដែលបានផ្ទេរទៅ Real Madrid កាលពីរដូវក្តៅមុនហាក់មិនសូវ ទទួលបានជោគជ័យឡើយ ដោយអាចរកបានតែ ១គ្រាប់គត់ ក្នុងការប្រកួតទាំង ១៥ដង ហើយកំពុងបន្តព្យាបាលរបួសរហូតមក។
គិតចាប់តាំងតែពីបានផ្ទេរមក Arsenal កាលពីឆ្នាំ២០១៨ ខ្សែប្រយុទ្ធ Aubameyang រកបាន ៦១គ្រាប់ មកហើយក្នុងការប្រកួតទាំង ៩១ដង ប៉ុន្តែកីឡាករវ័យ៣០ឆ្នាំរូបនេះ បានបដិសេធមិនព្រមបន្តកុងត្រាថ្មី នៅឡើយខណៈដែលកុងត្រាចាស់នឹងត្រូវផុតនៅចុងឆ្នាំ២០២១ខាងមុខ ៕ដោយ៖ ភារៈ
