សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី៖ជនសង្ស័យម្នាក់ត្រូវបានកម្លាំងនៃអធិការដ្ឋាននគរបាលក្រុងបានលុងធ្វើការឃាត់ខ្លួនពាក់ព័ន្ធនឹងករណីលួចគាស់ផ្ទះគេ។
ការឃាត់ខ្លួនជនសង្ស័យខាងលើនោះសមត្ថកិច្ចបានធ្វើឡើងនៅវេលាម៉ោង ០១.០០នាទី រំលងអាធ្រាតយប់ឈានចូលថ្ងៃទី ១៩ ខែ មេសា ឆ្នាំ ២០២០នៅចំណុចផ្ទះមួយកន្លែងស្ថិតក្នុងភូមិ ជ័យជំនះ សង្កាត់ឡាបានសៀក ក្រុងបានលុង ខេត្ត រតនគិរី ។
ប្រភពពីសមត្ថកិច្ចថា ជនសង្ស័យដែលបានឃាត់ខ្លួនបាននោះឈ្មោះ ហែម វុធធឿន (ហៅ ទូច) ភេទ ប្រុស អាយុ ២៣ឆ្នាំ ជនជាតិខ្មែរមុខរបរ មិនពិតប្រាកដ មានទីលំនៅភូមិ ថ្មី សង្កាត់ ឡាបានសៀក ក្រុងបានលុង ខេត្តរតនគិរី។
ប្រភពបន្តថាជនសង្ស័យបានធ្វើសកម្មភាពនៅចំណុចផ្ទះជនរងគ្រោះឈ្មោះ សុខ សែន ចំរុង (ទល់មុខសណ្ឋាគារសល់ ឆេង)និងសម្ភារៈដកហូតបានរួមមានកូនសោរមួយចង្កោម បំពុងទីបមួយដើម ។
ក្រោយឃាត់ខ្លួនជនសង្ស័យ និងសម្ភារៈ ត្រូវបានឃាត់និងរក្សាទុកបណ្តោះអាសន្ននៅ អធិការដ្ឋាននគរបាលក្រុងបានលុង ដើម្បីស្រាវជ្រាវ និងកសាងសំណុំរឿង បញ្ជូនទៅសាលាដំបូងខេត្តចាតការតាមនីតិវិធីផងដែរ ៕ដោយ៖ ជីវ័ន្ត
