សារព័ត៌មាន នគរវត្ត តែងតែនាំមុខគេជានិច្ច
កំពង់ធំ៖ យុវជនម្នាក់បានស្លាប់បាត់បង់ជីវិតដោយសារគ្រោះថ្នាក់ចរាចរណ៍ កាលពីវេលាម៉ោង១៧ និង ១០នាទីថ្ងៃអាទិត្យទី១៩ ខែមេសា ឆ្នាំ ២០២០ នៅលើកំណាត់ផ្លូវជាតិលេខ៦ ចន្លោះគីឡូម៉ែត្រលេខ១៨៤-១៨៥ ត្រង់ចំណុចភូមិឬស្សីជះ ឃុំត្បែង ស្រុកកំពង់ស្វាយ ខេត្តកំពង់ធំ។ សមត្ថកិច្ចបានអោយដឹងថាជនរងគ្រោះឈ្មោះ យាន ជា ភេទប្រុស អាយុ ១៧ឆ្នាំ មុខរបរអ្នករត់តុនៅហាងបាយ រស់នៅភូមិព្រៃប្រស់ ឃុំត្បែង ស្រុកកំពង់ស្វាយ ខេត្តកំពង់ធំ បានជិះម៉ូតូម៉ាកហុងដាឌ្រីមC125 ពណ៌ខ្មៅ ពាក់ផ្លាកលេខកំពង់ធំ1D.6273(បើកបរទិសដៅពីលិចទៅកើត) ស្លាប់នៅនឹងកន្លែងកេីតហេតុ)មិនពាក់មួកសុវត្តិភាព។
ចំណែករថយន្តម៉ាកលុចសុីសRX300 ពណ៌ទឹកប្រាក់ ពាក់ផ្លាកលេខភ្នំពេញ 2Q.2983 (បេីកបរទិសដៅពីកើតទៅលិច)អ្នកបើកបរមិនស្គាល់អត្តសញ្ញាណទុករថយន្តនៅនិងកន្លែងកេីតហេតុបានចុះរត់គេចខ្លួនបាត់។
ក្រោយកើតហេតុសមត្ថកិច្ចបានចុះវាស់វែងនៅទីកន្លែងកើតហេតុ ធ្វើកំណត់ហេតុប្រមូលវត្ថុតាងយកមករក្សាទុកនៅអធិការដ្ឋាននគរបាលកំពង់ស្វាយ. រីឯសពបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ ដោយ៖ប៊ុនរិទ្ធី
