សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅម៉ោង១៣និង៣០រសៀល ថ្ងៃទី២០ ខែមេសា ឆ្នាំ២០២០ ,កម្លាំងជំនាញនៃអធិកាដ្ឋានគរបាលខណ្ឌឬស្សីកែវបានសហការជាមួយនឹងកម្លាំងនគរបាលខណ្ឌប៉ុសិ៍្តស្វាយប៉ាក បានស្រាវជ្រាវបង្ក្រាប ជនសង្ស័យ៤នាក់ ជាក់ស្ដែងករណីជួញដូរដោយខុសច្បាប់នូវសារធាតុញៀន ត្រង់ចំណុចផ្លូវលំ ក្រុម១០ ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
លោក ហ៊ាង ថារ៉េត អធិការនគរបាលខណ្ឌឬស្សីកែវបានឲ្យដឹងថា ៖ ការបង្ក្រាបនោះសមត្ថកិច្ចយើងឃាត់ខ្លួនបាន ឃាត់ខ្លួនជនសង្ស័យចំនួន ០៤នាក់មាន៖
១-ឈ្មោះ សរ សុខហារីន ភេទប្រុស អាយុ ២៧ឆ្នាំ ជនជាតិខ្មែរ មុខរបរមេជាងភ្លើង មានទីលំនៅ សង្កាត់ផ្សារដើមគរ ខណ្ឌទួលគោក រាជធានីភ្នំពេញ។
២-ឈ្មោះ ផេង តុលា ភេទប្រុស អាយុ២១ឆ្នាំ ជនជាតិខ្មែរ មុខរបរជាងផ្សារដែក មានទីលំនៅ ភូមិបាសិត ឃុំម្កាក់ ស្រុកអង្គស្នួល ខេត្តកណ្តាល។
៣-ឈ្មោះ បូន ចាន់ ភេទប្រុស អាយុ ៣០ឆ្នាំ ជនជាតិខ្មែរ មុខរបរកម្មករ មានទីលំនៅភូមិបឹង ឃុំស្រាចទង ស្រុកឧដុង្គ ខេត្តកំពង់ស្ពឺ។
៤-ឈ្មោះ ឌីម ស៊ឹម ភេទប្រុស អាយុ ៣២ឆ្នាំ ជនជាតិខ្មែរ មុខរបរកម្មករ មានទីលំនៅ ការដ្ឋានសាងសង់ សង្កាត់ឃ្មួញ ខណ្ឌសែនសុខ រាជធានីភ្នំពេញ។
វត្ថុតាងដកហូតមានក្រាមសថ្លាចំនួន ០៤កញ្ចប់។
ក្រោយពីឃាត់ខ្លួនជនសង្ស័យទាំង៤នាក់រួចនិងវត្ថុតាងត្រូវបាន កម្លាំងជំនាញបញ្ជូនទៅកាន់អធិការដ្ឋាននគរបាលខណ្ឌឫស្សីកែវដើម្បីកសាងសំណុំរឿងតាមនីតិវិធីបញ្ជូនទៅតុលាការ៕
ដោយ៖ ស រស្មី
