សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅព្រឹកថ្ងៃទី២៥ ខែមេសា ឆ្នាំ២០២០ គណៈបញ្ជាការឯកភាពរដ្ឋបាលខណ្ឌសែនសុខ ដោយមានការណែនាំពីលោកម៉ូវ ម៉ានិត អភិបាលខណ្ឌសែនសុខបានចាត់ឲមន្ត្រីក្រោមឱវាទចុះផ្សព្វផ្សាយសេចក្តីណែនាំ ស្តីពីការរៀបចំសណ្តាប់ធ្នាប់តាមដងផ្លូវ និងការប្រេីប្រាស់ចិញ្ចើមផ្លូវចំនួន២ទីតាំងមាន៖
ទីតាំងទី១ ៖ ណែនាំដល់បងប្អូនអាជីវករលក់ដូរនៅលេីផ្លូវជុំវិញផ្សារទឹកថ្លាអោយពួកគាត់រេីចេញ និងខិតចូលទៅក្នុងផ្ទះ និងរុះរេីសំយ៉ាបខាងមុខផ្ទះ ដេីម្បីបេីកផ្លូវងាយស្រួលដល់ការធ្វើដំណើរទៅមករបស់ប្រជាពលរដ្ឋ។
ទីតាំងទី២ ៖ ណែនាំដល់បងប្អូនអាជីវករដែលលក់ដូរនៅផ្លូវចូលសាលាសង្កាត់ទឹកថ្លា (បុរី១០០ខ្នង) មិនឲ្យលក់ដូរបង្ករឲ្យប៉ះពាល់ការធ្វើចរាចរណ៍៕ ដោយ៖ចន្ទ លីហ្សា
