ក្នុងរយៈពេល២៤ម៉ោងចុងក្រោយ ថៃរកឃើញអ្នកឆ្លងវីរុសថ្មី ៥៣នាក់ និងស្លាប់បន្ថែមម្នាក់ទៀត ក្រោយធ្លាក់ចុះមិនបានប៉ុន្មាន

ទីក្រុងបាងកក៖ ក្រោយពីករណីធ្លាក់ចុះនៃជំងឺកូវីដ១៩ មិនបានប៉ុន្មានផង ស្រាប់តែប្រទេសថៃរកឃើញអ្នកឆ្លងវីរុសថ្មី ចំនួន៥៣នាក់ និងស្លាប់បន្ថែមម្នាក់ទៀត ។ នេះបើតាមការបញ្ជាក់ឲ្យដឹងពីលោកវេជ្ជបណ្ឌិត Taweesin Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានការណ៍ COVID-19 របស់រដ្ឋាភិបាលថៃ ។

ជាក់ស្តែងយោងតាមការចេញផ្សាយប្រចាំថ្ងៃរបស់ព័ត៍មាន Nation Thailand សម្រាប់ថ្ងៃសៅរ៍ ​ទី២៥ ខែមេសា ឆ្នាំ២០២០នេះ បាននិយាយថាចំនួននេះគឺខ្ពស់បំផុតចាប់តាំងពីថ្ងៃទី០៩ ខែមេសា ដែលកាលនោះមានករណីថ្មីចំនួន ៥៤នាក់។

តួលេខនេះនាំឱ្យចំនួនអ្នកជំងឺសរុបនៃវីរុស COVID-19 បានកើនឡើងដល់ ២,៩០៧នាក់។ សរុបដល់ពេលនេះមានចំនួន ២,៥៤៧នាក់ បានធូរស្បើយនិងរំសាយពីមន្ទីរពេទ្យវិញហើយ ខណៈដែលមានអ្នកស្លាប់ដោយសារវីរុសចំនួន ៥១នាក់៕ដោយ៖ស តារា

Novice Buddhist monks with protective masks and face shields, seated maintaining social distancing participate in a religious class at Molilokayaram Educational Institute in Bangkok, Thailand, Wednesday, April 15, 2020. All schools in Thailand were closed earlier than the scheduled school break due to the COVID-19 outbreak but about 200 novice monks remain in the monastic school due to travel restrictions and lockdowns implemented in provinces in Thailand. (AP Photo/Gemunu Amarasinghe)