សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖សមត្ថកិច្ចនគរបាលស្រុកបានចុះបង្ក្រាបកន្លែងបាញ់អាប៉ោងមួយកន្លែង បង្កការភ្ញាក់ផ្អើលដល់អ្នកញៀនល្បែងរត់ប្រសេកប្រសាចនិងឃាត់ខ្លួនបាន២នាក់។
ហេតុការណ៏នេះបានកើតឡើងកាលពីវេលា ម៉ោង៤និង៤៥នាទី ថ្ងៃទី២៥ខែមេសាឆ្នាំ ២០២០ ស្ថិតនៅភូមិក្រញូង ឃុំរមាំងថ្កោល ស្រុកស្វាយទាបខេត្តស្វាយរៀង។
បើតាមសមត្ថកិច្ចនគរបាលស្រុកបានអោយដឹងថា ជនសង្ស័យដែលឃាត់ខ្លួនមានឈ្មោះ ស៊ឹម សារិត ជាម្ចាស់ផ្ទះបើកអោយលេងល្បែងសុីសងនិងឈ្មោះ ហាក់ ហ៊ិន អាយុ ៥៤ឆ្នាំ រស់នៅភូមិ ខ្ជាយ ឃុំ រមាំងថ្កោល ស្រុកស្វាយទាបខេត្តស្វាយរៀង ជាអ្នកលេង។
ក្រោយឃាត់ខ្លួនសមត្ថកិច្ចបាន ចាប់យកវត្ថុតាងរួមមាន ចានមួយ គំរបផ្តិលមួយ កំរាលលេងមួយ និងម៉ូតូ២គ្រឿង ។
ប្រភពបន្តអោយដឹងថា ក្រោយពីកម្លាំងសមត្ថកិច្ចនគរបាលស្រុកស្វាយទាបបានទទួលព័ត៌មានពី ប្រជាពលរដ្ឋរាយការណ៍ថានៅផ្ទះឈ្មោះខាងលើមានបើកលេងល្បែងសុីសងខុសច្បាប់(អាប៉ោង)កម្លាំងជំនាញនគរបាលស្រុកស្វាយទាបដឹកនាំដោយលោក កែវ សុភ័ណ្ឌ អធិការនគរបាលស្រុកស្វាយទាប ចុះបង្រ្កាបលេងល្បែងអាប៉ោងដល់កន្លែងផ្ទះខាងលើនិងឃាត់ខ្លួនអ្នកលេងបានចំនួន២នាក់ ព្រមទាំងវត្ថុតាង រួមមាន ចានមួយ គំរបផ្តិលមួយ កំរាលលេងមួយ និងម៉ូតូ២គ្រឿង ។
បច្ចុប្បន្ន ជនសង្ស័យទាំង២នាក់ត្រូវបានសមត្ថកិច្ចកសាងសំណុំរឿងចាត់ការបន្តរាមច្បាប់៕យឹម សុថាន
