សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ សម្លាប់ស្ត្រីរោងចក្រមិនបានប៉ុន្មានម៉ោងផង ឃាតក ពិតជាឈាមស្រែកស្បែកហៅ មែន គឺគេចមិនរួចពីបាបកម្ម នរក ដ៏តន់ហន់មែន..! ទីបំផុត.. ឃាតក ជាជនដៃដល់ដែលប៉ងរំលោភស្រ្តីត្រូវបានកម្លាំងនគរបាលខណ្ឌមានជ័យ ឃាត់ខ្លួនបានហេីយ។
អធិការនគរបាលខណ្ឌមានជ័យ លោក ម៉េង វិមានតារា បានអោយដឹងថា៖ បន្ទាប់ពីទទួលដំណឹងថា មាននារីម្នាក់ត្រូវគេសម្លាប់ ទាំងអាក្រាតកាយនៅបន្ទប់នៃផ្ទះជួលស្ថិតនៅភូមិទ្រា៤ ក្នុងសង្កាត់ស្ទឹងមានជ័យទី៣ ខណ្ឌមានជ័យ នោះ ហើយក៏មានការបញ្ជាពី នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និង លោក ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ លោកបាន ស្រាវ ក្តោបមុខសញ្ញានេះ តាមរយៈដឹកនាំកម្លាំងជំនាញ ប្រមាញ់ គ្រប់រូបភាពនៃការងារជំនាញ ឈានដល់ឃាត់ខ្លួនជនសង្ស័យជាឃាតក បានតែម្តង។
លោក អធិការបានប្រាប់ថា៖ ស្ត្រីជាជនរងគ្រោះមាន ឈ្មោះ ស៊ាត ស៊ន អាយុ ២៨ឆ្នាំ ជាកម្មការនីរោងចក្រ មានស្រុកកំណើតនៅភូមិចារ ឃុំព្រៃរំដេង ស្រុកមេសាង ខេត្តព្រៃវែង ហើយនារីរងគ្រោះខាងលើរូបនេះ គឺត្រូវបានជនដៃដល់វាយនិងយកកាំបិតចាក់ស្លាប់ក្នុងថ្លុកឈាម ក្នុងរូបភាពស្រាតអស់ផ្នែកខាងក្រោម។
យោងតាមចម្លើយឃាតកសម្លាប់ស្រ្តីម្នាក់ប៉ុនប៉ងរំលោភមិនបានសម្រេចបានសារភាពថា កាលពីវេលាប្រហែលម៉ោង១រសៀល (ថ្ងៃកើតហេតុ) ពេលស្ត្រីរងគ្រោះកំពុងសម្រាកនៅក្នុងបន្ទប់តែម្នាក់ឯង ដោយមិនបានចាក់គន្លឹះទ្វារ ខ្លួនបានឡើងទៅចូលក្នុងបន្ទប់នាងហើយចាក់គន្លឹះទ្វារ និងយកកូនកាំបិតគំរាមឱ្យនាងស្រាតខោចេញ ដើម្បីរួមភេទ ។ ខណៈនោះ ដោយសារការភ័យខ្លាចនាងបានស្រាតខោចេញតាមការគំរាម ។
ចៃដន្យ ខណៈខ្លួនកំពុងស្រាតខោខ្លួនឯងដែរនោះ ភ្លេចខ្លួនមួយភ្លែត ស្រាប់តែនាងបានងើបរត់ទៅបើកទ្វារបម្រុងរត់ចេញស្រែកហៅអោយគេជួយ ខ្លួនក៏ស្ទុះតាមពីក្រោយចាក់ជាច្រើនកាំបិតចុងស្រួចចំកញ្ចឹង.កពីក្រោយ ហើយជនហើយជនរងគ្រោះប្រតាយប្រតប់ជាមួយ។ភ្លាមនោះដែរ រូបគេទាញបានឆ្នាំងសម្លវាយចំកណ្ដាលមុខជនរងគ្រោះជាច្រើនបន្ថែមទៀត បណ្តាលឱ្យជនរងគ្រោះដេកស្លាប់ផ្កាប់មុខក្នុងថ្លុកឈាមតែម្តង ។
បន្ទាប់ធ្វើសកម្មភាពរួច គឺគ្មានអ្នកណាដឹងនោះទេ ខ្លួនរត់ចុះមកក្រោមវិញ យកម៉ូតូនាងជិះចេញទៅតែត្រូវសមត្ថកិច្ចឃាត់ខ្លួនបានតែម្តង៕
សូមបញ្ជាក់ថា៖ អំពើឃាតកម្មនេះកើតឡើង នៅវេលាម៉ោងជាង៧យប់ ថ្ងៃទី២៨ ខែមេសា ឆ្នាំ២០២០នេះ នៅក្នុងបន្ទប់ជួលជាន់ទី២ ស្ថិតក្នុងភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ៕ដោយ៖សិលា
