គ្រោះថ្នាក់មើលមិនឃើញ! ជិះម៉ូតូសុខៗរថយន្តមិនចាំម៉ាកបុកពីក្រោយរបួសធ្ងន់ពីរនាក់

ភ្នំពេញ៖ បុរស២នាក់បានរងរបួសធ្ងន់ខណះកំពុងជិះម៉ូតូតាមផ្លូវស្រាប់តែមានរថយន្ត១គ្រឿងមិនចាំម៉ាកបើកមកបុកពីក្រោយពេញទំហឹងហើយអ្នកបើកបរបើករត់បាត់។
គ្រោះថ្នាក់ចរាចរនេះបានកើតឡើងកាលពីវេលាម៉ោង១០និង២០នាទីយប់ថ្ងៃទី២៩ ខែមេសា ឆ្នាំ២០២០ នៅតាមបណ្ដោយផ្លូវលេខ១០០៧ស្ថិតក្នុងសង្កាត់ភ្នំពេញថ្មីខណ្ឌសែនសុខរាជធានីភ្នំពេញ។
ជនរងគ្រោះទាំងពីរមិនទាន់ស្គាល់អត្តសញ្ញាណទេ
បើតាមប្រភពពីកន្លែងកើតហេតុបានឲ្យដឹងថាមុនពេលកើតហេតុគេឃើញបុរស ពីរនាក់ជិះម៉ូតូមួយគ្រឿងម៉ាកM Slazពណ៌ខ្មៅពាក់ស្លាកលេខ ភ្នំពេញ1HR-1215 ឌុបគ្នាធ្វើដំណើរក្នុងទិសដៅពីជើងទៅត្បូងលុះដល់ចំណុចផ្លូវបំបែកជាបួនក៏មានរថយន្តមួយគ្រឿងមិនចាំម៉ាកបើកមកពីក្រោយបុកពេញទំហឹងបណ្ដាលឲ្យរងរបួសធ្ងន់តែម្តងហើយរថយន្តបង្កបើករត់បាត់។
ក្រោយកើតហេតុជនរងគ្រោះត្រូវបានបញ្ជូនទៅព្យាបាលនៅមន្ទីរពេទ្យចំណែកម៉ូតូត្រូវបានបងប្អូនយកទៅជួសជុលដោយខ្លួនឯង៕ដោយ៖ចន្ទ លីហ្សា