សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់សង្ស័យស្រវឹងស្រាបានបេីករថយន្តម៉ាស្តាក្នុងល្បឿនលឿនជ្រុលបុករថយន្តកាមរីពីក្រោយខណះកំពុងឈប់ចាំស្តុបបណ្តាលឱ្យរងការខូចខាតយ៉ាងដំណំហេីយបន្តបុកបង្គោលស្លាកសញ្ញាបង្ហាញលេខផ្លូវបណ្តាលឱ្យទ្រេតចំនួន១ដេីមទៀត។
ហេតុការណ៍នេះបានកេីតឡេីងកាលពីវេលាម៉ោង១២និង១០នាទីរំលងអាធ្រាត្រឈានចូលថ្ងៃទី៦ ខែឧសភា ឆ្នាំ២០២០ នៅចំណុចស្តុបអូឡាំពិក តាមបណ្តោយផ្លូវលេខ១៩៩ កែងផ្លូវព្រះសីហនុ ស្ថិតក្នុងសង្កាត់ ទួលស្វាយព្រៃទី២ ខណ្ឌបឹងកេងកង។
តាមសាក្សីនៅកន្លែងកេីតហេតុបានឱ្យដឹងថា៖ មុនពេលកេីតហេតុគេបានឃេីញរថយន្តកាមរី ពណ៍ទឹកប្រាក់ ពាក់ស្លាកលេខភ្នំពេញ2T 4897 បេីកបរដោយបុរសម្នាក់និងរួមដំណេីរជាមួយប្រពន្ធធ្វេីដំណេីរតាមបណ្តោយផ្លូវព្រះសីហនុ ក្នុងទិសដៅពីជេីងទៅត្បូងខណះមកដល់ចំណុចកេីតហេតុដោយសារតែភ្លេីងស្តុបក្រហមក៏ឈប់រងចាំភ្លេីងខៀវ ភ្លាមនោះស្រាប់តែមានរថយន្តម៉ាស្តាពណ៍ស ពាក់ស្លាកលេខភ្នំពេញ2Z 1854. បេីកបរដោយបុរសម្នាក់ធ្វេីដំណេីរមកពីក្រោយក្នុងល្បឿនលឿនក៏ជ្រុលបុកពេញទំហឹងបណ្តាលឱ្យរងការខូចខាតយ៉ាងដំណំ ហេីយបន្តទៅបុកបង្គោលស្លាកសញ្ញាបង្ហាញលេខផ្លូវបណ្តាលឱ្យទ្រេតមួយដេីមផងដែរសំណាងមិនមានមនុស្សរងរបួស។
ក្រោយកេីតហេតុសមត្ថកិច្ចបានចុះទៅដល់កន្លែងកេីតហេតុនិងធ្វេីការវាស់វែងយករថយន្តទាំង២គ្រឿងយកទៅរក្សាទុករងចាំដោះស្រាយតាមច្បាប់៕ដោយ៖សុខាសែនជ័យ
