សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ធំ ៖ កម្លាំងការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តកំពង់ធំបានចុះបង្ក្រាបបទល្មើសគ្រឿងញៀនដោយឃាត់ខ្លួនជនសង្ស័យចំនួន០១នាក់និងដកហូតបានសារធាតុញៀនចំនួន១៤ កញ្ចប់។
ហេតុការណ៍នេះបានកើតឡើងកាលពីវេលាម៉ោង០៩ និង ២៩ នាទី ថ្ងៃ អង្គារ ១៤កើត ខែ ពិសាខ ឆ្នាំ ជូត ទោស័ក ព.ស២៥៦៣ត្រូវនឹងថ្ងៃទី ៥ ខែ ឧសភា ឆ្នាំ២០២០ ដោយមានការសម្របសម្រួលនីតិវិធីពីលោក ស៊ិន វិរ: ព្រះរាជអាជ្ញាអមសាលាដំបូងខេត្តកំពង់ធំ និងក្រោមការដឹកនាំបញ្ជាផ្ទាល់ ពីលោកឧត្តមសេនីយ៍ទោ អ៊ុក កុសល ស្នងការនគរបាលខេត្តកំពង់ធំ កម្លាំងជំនាញ នៃការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តកំពង់ធំ។
សមត្ថកិច្ចបានឱ្យដឹងថា ប្រតិបត្តិការបង្ក្រាបបទល្មើសគ្រឿងញៀននេះធ្វើនៅចំណុចចម្ការស្វាយចន្ទីមួយកន្លែង ស្ថិតក្នុងភូមិ ជ័យមង្គល ឃុំ ជ្រាប់ ស្រុក សន្ទុក ខេត្តកំពង់ធំ ដោយឃាត់ខ្លួនជនសង្ស័យចំនួន ០១ នាក់ និងដកហូតបានម្សៅក្រាមពណ៌ ស ថ្លា សង្ស័យជាសារធាតុញៀនខុសច្បាប់ចំនួន ១៤ កញ្ចប់ ទម្ងន់ ២៥ ក្រាម និងទូរស័ព្ទដៃចំនួន ០១ គ្រឿង ។
ជនសង្ស័យឈ្មោះ កែវ រ៉ា ភេទ ប្រុស អាយុ ៤៨ ឆ្នាំ មុខរបរ រត់ម៉ូតូឌុប រស់នៅភូមិ ជ័យជម្នះ ឃុំ កកោះ ស្រុក សន្ទុក ខេត្តកំពង់ធំ ។
ករណីខាងនេះសមត្ថភាពជំនាញបាននាំខ្លួនជនសង្ស័យនិងវត្ថុតាងមកកាន់ការិយាល័យប្រឆាំងគ្រឿងញៀង នៃស្នងការដ្ឋាននគរបាលខេត្តកំពង់ធំ ដើម្បីកសាងនីតិវិធី ចាត់ការបន្ត ៕ដោយ៖ប៊ុនរិទ្ធី
