សារព័ត៌មាន នគរវត្ត តែងតែនាំមុខគេជានិច្ច
អង់គ្លេស៖ក្រុមទាំងអស់នឹងត្រូវបានអនុញ្ញាតអោយប្រើវិធីសាស្ត្រជំនួសចំនួន ៥ នៅពេលរដូវកាលចាប់ផ្តើមឡើងវិញបន្ទាប់ពីសហព័ន្ធបាល់ទាត់ពិភពលោក Fifa ស្នើសុំជួយក្នុងការប្រកួត។
ការផ្លាស់ប្តូរនេះអនុវត្តចំពោះការប្រកួតដែលនឹងត្រូវបញ្ចប់ក្នុងឆ្នាំនេះ និងការសម្រេចចិត្តថា តើត្រូវអនុវត្តការផ្លាស់ប្តូរនេះសម្រាប់អ្នករៀបចំការប្រកួតប្រជែងក្រុមនីមួយៗ។ វាក៏មានជម្រើសបញ្ឈប់ការប្រើប្រាស់ប្រព័ន្ធវីដេអូជំនួយអាជ្ញាកណ្តាល (VAR) ដោយសារតែការព្រួយបារម្ភអំពីសុវត្ថិភាពចំពោះមន្ត្រីដែលធ្វើការជាមួយគ្នានៅក្នុងបន្ទប់តូចមួយសម្រាប់រយៈពេលនៃការប្រកួតយូរ ដែលជាហានិភ័យនៃការឆ្លងជំងឺកូរ៉ូណា។
ក្របខ័ណ្ឌ Bundesliga របស់ប្រទេសអាឡឺម៉ង់គ្រោងនឹងចាប់ផ្តើមនៅសប្តាហ៍ក្រោយនេះ ខណៈដែលគម្រោងស្តារឡើងវិញនៃក្របខ័ណ្ឌ Premier League របស់អង់គ្លេសមានការរំពឹងទុកថានឹងបន្តរដូវកាលវិញដែរនៅខែក្រោយ។
ក្រុមប្រឹក្សាសមាគមកីឡាបាល់ទាត់អន្តរជាតិ (IFAB) ដែលជាស្ថាប័នបង្កើតច្បាប់បាល់ទាត់បានយល់ព្រមផ្លាស់ប្តូរជាបណ្តោះអាសន្ននូវច្បាប់នៃការប្រកួតរបស់លីកកំពូលអង់គ្លេសមួយនេះដើម្បីការពារសុខុមាលភាពរបស់កីឡាករ។
IFAB បានចេញសេចក្តីថ្លែងការណ៍មួយថា “ការធ្វើវិសោធនកម្មបណ្ដោះអាសន្នត្រូវចូលជាធរមានភ្លាមៗ និងត្រូវបានធ្វើឡើងខណៈដែលការប្រកួតអាចត្រូវបានលេងនៅក្នុងលក្ខខណ្ឌអាកាសធាតុខុសគ្នាដែលលក្ខខណ្ឌទាំងពីរនេះអាចមានផលប៉ះពាល់ដល់សុខុមាលភាពរបស់កីឡាករ” ។
IFAB និង FIFA នឹងសម្រេចចិត្តនៅដំណាក់កាលបន្ទាប់ថា តើត្រូវបន្តសេចក្តីសម្រេចដល់រដូវកាល២០២០-២០២១ ឬយ៉ាងណា ៕ដោយ៖ភារៈ
