ក្របួចមាន់ជល់២ក្បាល ម៉ូតូ៧គ្រឿង តែជនប្រព្រឹត្តរត់បាតជើង.សព្រាតបាត់អស់

ខេត្តពោធិ៍សាត់៖ កម្លាំងអធិការដ្ឋាននគរបាលស្រុកភ្នំក្រវាញ សហការជាមួយកម្លាំងប៉ុស្តិ៍នគរបាលរដ្ឋបាល បានឆ្មក់ចូលបង្រ្កាបសង្វៀនបញ្ជល់មាន់ភ្នាល់ដាក់លុយមួយកន្លែង ក្របួចបានមាន់ជល់ ២ក្បាល និងម៉ូតូចំនួន ៧គ្រឿង ចំណែកក្រុមជនប្រព្រឹត្តនិយមភ្នាល់ដាក់លុយនាំគ្នារត់គេចបាតជើង.សព្រាត់បាត់អស់ ។

ការបង្រ្កាបសង្វៀនជល់មាន់ភ្នាល់ដាក់លុយខាងលើ ធ្វើឡើងនៅវេលាម៉ោង១២ និង៣០នាទី រសៀលអាទិត្យ ៤រោច ខែពិសាខ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១០ ខែឧសភា ឆ្នាំ២០២០ នៅចំណុចត្រពាំងវាយ ស្ថិតក្នុងភូមិស្រែពពាយ ឃុំសន្ទ្រៃ ស្រុកភ្នំក្រវាញ ខេត្តពោធិ៍សាត់ ។

 របាយការណ៍នគរបាលប៉ុស្តិ៍រដ្ឋបាលសន្រ្ទៃ បានឲ្យដឹងថាលទ្ធផលបង្រ្កាបសង្វៀនជល់មានខាងលើនេះកម្លាំងធ្វើការបង្រ្កាបបានសត្វមាន់ឈ្មោលចំនួន ២ក្បាល ម៉ូតូចំនួន ៧គ្រឿង ឧបករណ៍ និងសម្ភារៈផ្សេងៗសម្រាប់បញ្ជល់សត្វមាន់មួយកំប្លេ ។

 របាយការណ៍នគរបាលប៉ុស្តិ៍ដដែលបន្តទៀតថា សត្វមាន់.ម៉ូតូ និងឧបករណ៍.សម្ភារៈផ្សេងៗ ដែលរឹបអូសបានត្រូវកម្លាំងសមត្ថកិច្ចនគរបាលដឹកយកទៅថែរក្សាទុកជាបណ្ដោះអាសន្ន ដើម្បីរង់ចាំបន្តនីតិវិធី ៕ ដោយ៖ បុឹម ពិន